Qorymdy qorlaǵandar

Estigenniń tula boıyn túr­shik­tiretin qorymdy qorlap, zırat­ta­ǵy sharbaqtardy, eskertkishterdi búldirip, ony paıda kózine aınal­dyrǵan tepse temir úzetin jan­dar­dyń qylyǵy oılandyrady. Os­yndaı jaǵany ustatatyn oqı­ǵa­lar óńirdiń keıbir eldi mekenderinde oryn alyp, qylmystyq ister tirkeldi. Týǵan-týysta­ry­nyń beıitteri qorlanǵandardyń jaı-kúıin sezinýdiń ózi qıyn. О́ki­­­nishtisi, sol qylmyskerler jý­­yq arada qolǵa da túse qoı­ma­dy. Bezbúırekter ana aýyldyń, my­na aýyldyń qorymdaryn qor­lap, iz jasyryp, biraz ýaqyt bos­tan­dyq­ta júrdi. Jaqynda Jambyl aýdanyn­da­­ǵy Aqseńgir selolyq okrýginiń áki­mi Álimhan Qosbasarov pen on­yn­shy synyp oqýshysy Aıaz Nur­ǵo­jaev eki aýyldyń zırattaryna qol sal­­ǵan, uıattan bezgen su­ǵa­naq­tardyń quryqtalýyna sebep boldy. Mal qaıyryp júrgen Aıaz ke­sh­kilik beıit tonap jatqandardy kó­rip qalady. Uıaly telefonymen dereý aýyl ákimine habarlaıdy. Sýyt habar alǵan Álimhan beıit­tiń sharbaqtaryn tıegen avtokó­lik­ti MAI beketinde toqtatyp, bi­riniń qolyn qaıyryp, polısııa qyzmetkerlerine tapsyrady. Osy kezde kómekke jetken Aıaz da qarap qalmaıdy. Kabınada otyr­ǵan eki qaraqshy qalyń qamysqa tyǵylady. Onyń bireýin aýdan­dyq ishki ister bóliminiń bastyǵy Beıbit Kelgenbaev bastaǵan qyz­met­kerler qolǵa túsiredi. Osy­laı­sha Talǵar, Qarasaı, Jambyl jáne basqa aýdandardaǵy eldi meken jurtshylyǵyn ábigerge sal­ǵan­dardyń joly kesildi. Kúmisjan BAIJAN, Almaty oblysy.