Basylymdardy alalaıtyny nesi?

«Halyq sózi» respýblıkalyq qoǵamdyq-saıası gazetiniń uıymdastyrýymen «BAQ jáne baspasóz qyzmetteriniń ózara qarym-qaty­­nasy» atty dóńgelek ústel otyrysyna memlekettik organdardyń baspasóz hat­shy­lary men elimizdegi BAQ-tardyń jetekshileri jáne jýrnalıster qatysýy tıis eken. Qatysamyn dep tilek bildirgenderdiń de, shaqyrylǵan qonaqtardyń da qarasy aý­qym­dy kóringen. Shynynda da, jýrnalıster úshin memorgandar men ulttyq kompanııalardan halyqqa qa­jetti aqparattardy alýda baspasóz qyzmeti altyn kópir bolýǵa tıisti. Alaıda, dóńgelek ústel basyna ásheıinde de jýrnalıstermen baılanystan boı tart­paı­tyn Syrtqy ister, Ishki ister mınıstrlikteri men Parlament Májilisiniń baspasóz hat­shylary kelip, al ózge memlekettik organ­dar­dyń hatshylary tóbe kórsetpeı qaldy. Osyǵan qarap ta, dóń­gelek ústelge taqyryp etip alǵan máse­leniń mańyzdylyǵyn kórýge bolatyndaı. Alqaqotan jınalyp, aqyldasar keńestiń tizginin ustaǵan «Halyq sózi» gazetiniń bas redaktory Qýat Áýesbaı baıandama jasaý úshin alǵashqy sózdi «Nur Astana» gazetiniń bas redaktory Ǵabıt Músirepke berdi. Kóp­shi­lik jaǵdaıda «BAQ týraly» Zańda anyq kórsetilgenimen, baspasóz qyzmetiniń kóme­gine súıenip aqparat alýdaǵy qıynshy­lyq­tardy sóz etken ol taǵy bir jáıtke qyn­jy­lysyn ashyq bildirdi. Máselen, degen Ǵabıt Músirep, bizdiń basylymnyń «Qazatomóner­ká­sibimen» ájepteýir jolǵa qoıylǵan qa­rym-qatynasy bar bolatyn. Biraq osy baı­lanysymyzdyń úzilýine olardyń qazaq tildi basylymdarǵa degen kózqarasy sebep bol­dy. Olar Fransııanyń atom óndirisin beıbit maqsatqa paıdalaný júıesin kórsetpekke jýrnalıster iriktegende tek orys tildi basylymdardyń jýrnalısterin kirgizgen. Al bizdiń «Nege bulaı?» – degen saýaly­myz­ǵa: «Qazaq jýrnalısterin Sozaqqa apar­ǵan­byz», – dep qarap tur. Álem chempıonatyna jýrnalıster tizgende osy jaǵdaı Boks fe­de­rasııasy tarapynan da ketti. Qashanǵy qazaq basylymdary ekinshi sorttaǵylardyń kúıin keshýi tıis degen. Parlament Májilisiniń baspasóz hat­shy­sy Saıyn Esmaǵı: «Men eki jaqtyń da qyzmetin birdeı bilemin dep aıta alamyn. О́z basym bizdiń elimizdegi baspasóz qyz­me­ti­niń eń úzdik úlgisi dep Seıitqazy Mataevtyń Prezıdenttiń baspasóz hatshysy bolǵan ke­ze­ńin aıtar edim. Ol bizdiń jańa ǵana qalam tartyp júrgen kezimiz bolatyn, sonda ol kisi ne isteıdi deısizder ǵoı? Ol úshin jýr­nalısterdiń aqparat alýy men ony jazyp óz basylymyna jóneltýi birinshi kezekte tu­ratyn. Qajet derek pen málimetti tapty­ryp, jolsaparlarǵa shyqqanda biz mate­rı­aldarymyzdy jiberip bolmaı tamaq ishýge de barmaıtyn. Elbasynyń jeke kúzet qyz­me­tindegi ofıserlermen de jýrnalıster úshin qyzylkeńirdek bolǵanyn kózimiz kórdi. Men óz jumysymda osy joldy ustanyp, jalǵastyrǵym keledi, dese, «QazMunaıGaz» Ulttyq kompanııasynyń baspasóz hatshysy Ǵalym Tumabaev sóziniń álqıssasyn memlekettik tilde bastap, ári qaraıǵy negizgi oıyn resmı tilde jalǵady. Bul Parlament Má­jilisiniń depýtaty Jarasbaı Súle­ı­menov­tiń tarapynan bir túırelip ótti. Elbasy: «Qazaq qazaqpen qazaqsha sóılesin», degenin bárimiz bilemiz. Jańa ǵana meniń aldymda sóılegen inimniń qazaqshasy qandaı tamasha, biraq ol osy ortanyń ózinde resmı tilde oıyn jetkizip jatyr. О́zimizdi ózimiz qa­dirlemesek, kimnen qurmet kútýge tıispiz?» – degen depýtat. Dóńgelek ústel otyrysynda Ishki ister mınıstrliginiń baspasóz hatshysy Nurdildá Oraz, L.N.Gýmılev atyndaǵy Eýrazııa Ult­tyq ýnıversıteti jýrnalıstka jáne saıasattaný fakýltetiniń dekany Qaırat Saq óz oılarymen bólisti. Anar TО́LEÝHANQYZY.