Iаnýkovıchke qatań talap qoımaq

Ýkraına prezıdenti Vıktor Iаnýkovıch Reseı basshy­lyǵyn Kıevke gazǵa baılanysty jeńildik berýge kóndire almaıtyn syńaıly. «Kommersant» gazetiniń jazýyn­sha, Máskeý Ýkraına prezıdentimen aradaǵy kelissózde ymyra­syz ustanym bildirgen kórinedi. Iаǵnı, Reseı gazǵa baılanysty kelisimshartty qaıta qarastyrmaıdy jáne bul jóninde Ýkraınamen sottasýǵa da barmaq. Buǵan qosa, Iаnýkovıchke mynadaı talap usynylmaq: Ýkraına Keden odaǵy quramyna kiredi, sol arqyly ózi úshin reseılik rynokty saqtaıdy, ıa bolmasa ony joǵaltady.   Mahachkalada eki jarylys jasaldy Búginde bul jarylys «lańkestik áre­ket» dep tanylyp, sol boıynsha ar­naıy qylmystyq is qozǵalýda. Bul tý­ra­ly Reseı Federasııasy Tergeý komı­tetiniń saıtynda jarııalanǵan. Beısenbige qaraǵan túni Daǵystan as­ta­nasyndaǵy Ishki ister mınıstrligi ǵıma­ratynyń mańaıynda araǵa 15 mınót salyp, 2 jarylys ja-   sal­ǵan. Onyń saldarynan 1 adam – aǵa ınspektor qaza tapqan. Sondaı-aq, 60-tan astam adam túrli dene jaraqatyn alǵan. Birinshi jarylǵysh qurylǵy «Lada-Prıora» avto­kóliginiń janyna qoıylsa, ekinshisi VAZ-21043 avto­kóligine ornalastyrylypty.   Uıymdy qarjylandyrmaýdy usyndy Amerıkalyq senator Orrın Hetch jańa zań jobasyn usyndy. Atalǵan zań jobasyna sáıkes, AQSh Palestı­nanyń egemendigin moıyndaǵan jaǵdaıda BUU-ny qar­jy­landyrmaýy tıis. Hetchtiń aıtýynsha, Palestına avtonomııasynyń bedelin kez kelgen turǵyda kóterý Izraıldiń qaýipsizdigine nuqsan keltiredi. Senator atalǵan zań jobasy boıynsha amerı­kalyq kompanııalar men uıymdarǵa BUU-ny qarjylan­dyrýǵa úzildi-kesildi qarsy shyǵý kerek ekenin bildirgen.   Qastandyqqa qatystylyǵy anyqtaldy Ystambuldaǵy úsh cheshenniń ólimine kúdikti Túrkııa­ǵa Reseı azamaty Aleksandr Garkovtyń pasportymen kelgen kó­ri­nedi. Polısııa kúdikti ornalasqan qonaq úıdiń nómirinen onyń qujat­taryn, dúr­bisin, 9 mm kalıbrli tapa­n­shasyn tapqan. Polısııanyń málimetterine sáıkes, qylmysker Túrkııa­ǵa kisiler ólimi oryn alǵan kúnniń aldynda ǵana kelse kerek. Quqyq qorǵaý qyzmetkerleri Garkovtyń izine 19 qyr­kúıek kúni túsken. Alaıda, qonaq úıden tappaǵan. Sóıtse, kúdikti polısııa qyzmetkerleri kelerden birneshe mınót buryn ǵana izin jasyryp úlgeripti.   Sırııany ınvestısııalaýǵa – tyıym Eýroodaq Sırııanyń munaı-gaz salasyn ınvestısııa­laýǵa tyıym salyp otyr. Ol úshin atalǵan elge qatys­ty sanksııa engizildi. 24 qyrkúıekten bastap, eýropalyq fırmalarǵa osy eldiń munaı-gaz salasyn ınvestısııa­laýǵa tyıym salý úderisi óz kúshine enbek. Eýroodaqtyń mundaı tyıym salý áreketi Sırııanyń qaı kompanııalaryn aınalyp ótpeıtindigi ázirge belgisiz. Eýroodaq pen AQSh tarapynan Sırııaǵa qatysty qolda­nylǵan mundaı sanksııa ústimizdegi jyldyń mamyr aıy­nan bastap engizile bastapty. Al bul halyqaralyq qoǵam­dastyqqa endi ǵana tolyq málim bolyp otyr.   Mergen 17 adamdy jaraqattady Avstrııa polısııasy Vena qalasynyń 17 turǵynyn jaraqattaǵan «mergendi» izdestirýde. El astanasy – Venanyń turǵyn úı oramdarynda ol úılerdiń sha­tyr­lary men shatyr asty qorshaýla­rynan adamdarǵa pnevmatıkalyq myl­tyq­tan oq atqan. Tergeýshiler kýágerler men zardap shekkenderden jaýap alýda. Eshkimde de aýyr jaraqattar joq, biraq olardyń basym kópshiligine em-dom sharalary júrgizilip, operasııa jasaý qajet kórinedi. Polıseıler munyń buzaqylyq áreket pe, álde aldyn ala josparlanǵan áreket pe, ol jaǵyn ázirge ashyp aıta almaı otyr.   Álemdik munaı baǵasy tómendedi Grekııadaǵy defolt qaýpi munaıdyń álemdik baǵasyna salqynyn tıgizdi. Máselen, Nıý-Iorktegi taýar bır­jasynda WTI (Light Sweet) munaıynyń baǵasy 2,26 dollarǵa tómendep, barreli 85,70 dollardy quraǵan. London elektrondy taýar bırjasynda Brent munaıy­nyń resmı baǵasy 3,08 dollarǵa tómendep, barreli 109 dollar bolǵan. Al eldegi daǵdarystyń ýshyǵýy saldarynan Grekııa premer-mınıstri Georgıos Papandreý­diń AQSh-qa sapary bolmaı qaldy. Búgingi tańda ınvestorlar Halyqaralyq valıýta qorynyń jáne Eýroodaqtyń Afınaǵa yqtımal qosymsha qarjylyq kómegi týraly túpkilikti sheshimin kútýde.   Párenji kıgeni úshin – aıyppul Fransııada eki musylman qyz tyıym salynǵanyna qaramastan, zań buzyp, bet-júzin búrkep júrgenderi úshin aıyppul tóledi. Hınd Ahmas pen Kenza Drıderge 200 dollar kóleminde aıyppul salynǵan. Olar Fransııada jaqynda qabyldan­ǵan, qoǵam ishinde úlken pikirtalas týdyrǵan jańa zań boıynsha jazalanǵan alǵashqy fransýz azamat­shalary retinde tanylyp otyr. Qyzdar fransýz sotyna ózde­riniń narazylyqtaryn bildirip, sheshimdi joıǵyzý úshin aldaǵy ýaqytta barlyq ınstansııalarǵa aryzdanatyndaryn, qajet bolsa Strasbýrgtegi Adam quqyqtary jónindegi eýro­palyq sotqa da júginetindikterin málimdegen. Internet materıaldary negizinde ázirlendi.