Eńlik Jumataeva ǵylym men bilim salasynyń, óńirimizdegi joǵary bilim júıesiniń damýyna úles qosty. Ádebıet pen qazaq tili pánin oqytýdyń tyń ádisteri boıynsha zertteý júrgizip, oqýdyń birtutas dıdaktıkalyq júıesin engizdi. Etnopedagogıkanyń búgingi urpaqqa qajettigin, maıdanger jazýshylardyń shyǵarmashylyǵyn zerttedi. Eńlik Jumataeva 40 monografııanyń, 10-nan astam oqý quraldarynyń avtory. Ǵalym ádebıet pen qazaq tili pánin oqytýdyń tyń ádisteri boıynsha zertteý júrgizdi.
Ǵalymnyń otandyq bilim men ǵylym salasyna sińirgen eńbegi úshin jıyn barysynda, «Bilim berý isiniń qurmetti qyzmetkeri» tósbelgisin tabys etildi. Kemel jasqa tyń jiger, jarqyn kóńil, úlken jetistikpen jetken eńlik apaıymyz áli jap-jas qalpynda. Ǵumyr boıy jastardy bilim jolyna, qazaq tiliniń qudiretine túsinýge úıretken adamǵa bu Allanyń bergen syıy bolar. Shara barysynda mereıtoı ıesin oblystyq bilim berý basqarmasy, zııaly qaýym ókilderi quttyqtap, izgi lebizderin arnady, shákirtteri, áriptes-zamandastary estelikter aıtty. Qazaqy dástúr boıynsha mereıtoı ıesine kamzol kıgizdi.
Eńlik Jumataeva 40 monografııanyń, 10-nan astam oqý quraldarynyń avtory. Ǵalym ádebıet pen qazaq tili pánin oqytýdyń tyń ádisteri boıynsha zertteý júrgizdi. Ybyraı Altynsarın atyndaǵy medaliniń, Halyqaralyq qazaq tili qoǵamynyń «Ana tili» mártebeli altyn medaliniń ıegeri. Reseı pedagogıkalyq bilim berý halyqaralyq ǵylym Akademııasynyń korrespondent-múshesi.
Farıda Byqaı
«Egemen Qazaqstan
Pavlodar oblysy
