Aınur Ábdirásilqyzy men Marjan Ershýdiń ádemi ázil, aıshyqty jyrmen órilgen suhbaty kópshilikti birden baýrap aldy. Kesh tizginin ustaǵan Marjannyń Aınurǵa arnaǵan árbir utqyr sóz, utymdy ázili, Aınurdyń oǵan jaýaby, óleń ólkesindegi qos aqqýdaı jarasymdylyqpen tyńdarmanǵa erekshe áser syılady.
Shyǵarmashylyq keshke Parlament Senatynyń depýtaty Jabal Erǵalıev, qoǵam qaıratkeri Orazkúl Asanǵazy, belgili qalamgerler Joltaı Álmashuly, Jumanazar Somjúrek, Kamal Álpeıisova, Qýandyq Shamahaı, sondaı-aq, Tólemyrza Baltabaev, Nurgúl Qaraǵoıshına Alma Túsipbekova jáne t.b. zııaly qaýym ókilderi qatysty. Aımaqtardan din isteri basqarmasy ókilderi, dinı ýnıversıtettiń stýdentteri qatysty. Stýdentter men oqýshylar aqynnyń jyrlarynan shashý shashyp kesh kórkin qyzdyra tústi.
Aınurdyń shyǵarmashylyǵymen, qyzmetimen, ǵylymı eńbegimen tanys tulǵalar aıtqan aqjarma tilekter men lebizder áserli shyqty. Aǵa-apalarymyzdyń sózderinen Aınurdyń ult múddesi jolyndaǵy kúreskerlik rýhyn, kesek əreketterin, tereńdigin, keńdigin moıyndaý, tánti bolý ańǵaryldy.
...Sonaý Túrkistannan kelgen birge oqyǵan qurby-qurdastary, jerlesteri aıtqan áńgimelerdiń de jóni bólek. Stýdenttik partadan bastalǵan dostyqtyń kórinisi, ádemi ázil, rııasyz peıildi ańǵartqan dostar da Aınurdyń eshkimge uqsamaıtyn, dara bolmysynan syr shertkendeı.
Keshte Aınurdyń ózine arnalǵan án shyrqalyp, óleń de oqyldy. О́reli óleń, taǵylymdy áńgimege sýsaǵan qaýym osy joly bir jasap qalǵany anyq.
«Quıylyp kókten jyrym,
Arylyp aıǵa janym,
Pánıden ótken kúni
Men saǵan aınalamyn», − dep aqyn kitabyn qolǵa ala kúbirlep bara jatqan bozbala-boıjetkenderge qarap jyly jymıdyq. Iá, rasynda kesh áserli ótti.
Átirgúl TÁShIM,
«Egemen Qazaqstan»
