Áke-sheshelerimiz bir túnde tútin tútetip otyrǵan atamekeninen qotaryla aýyp, qazaq eline jetkenshe kórgen nebir qıyndyqtardy aıtqanda kóz jastaryn kól etetin. Taǵdyrdyń tálkegimen kórmegen qorlyqtary qalmaǵan. Tek tynyshtyq uıalaǵan keń-baıtaq Qazaqstannan pana taýyp, qazaq halqy týǵanyndaı bolyp ketken. Jarty qurtty bólip jep, meıirin tókken. «Ashtyqta jegen quıqanyń dámi aýyzdan ketpes» demekshi, sol bir náýbat zamanda basy aýǵan jaqqa bosyp ketken polıaktardy bir qotanǵa uıystyryp, qyzyǵyn da, qıyndyǵyn da bastan birge keshirgen turǵylyqty halyqtyń qonaqjaı, baýyrmal, meımandos qasıetterine keremet tántimiz.
О́zgeler sekildi saıası qýǵyn-súrginge túsken polıaktardyń keıingi urpaǵy retinde men de ózimdi qazaq aǵaıyndar aldynda qaryzdarmyn dep esepteımin. Tarıhı atajurttan alysta júrsek te, «bir úıdiń balasyndaı, bir qoldyń salasyndaı» tatý-tátti ómir súrip jatyrmyz. Dostyǵymyzǵa esh qylaý túsken emes. Tól tarıhymyzdy, mádenıetimiz ben tilimizdi úırenýge barlyq múmkindikter jasalǵan.
Surqııa saıasattyń qurbanyna aınalǵan ata-ájelerimizdiń 20 myńǵa jýyq urpaǵy negizinen Taıynsha aýdanyn qonys etip, elimizdiń gúldenýine úlken úlesterin qosyp keledi. «Bizdiń bir ǵana Otanymyz bar, ol – Qazaqstan!» degen sózdi balalarymyz ben nemerelerimiz de kókirekterine uıalatqan.
Anatolıı KRAShEVSKII,
oblystyq «Kopernık» polıak mádenı ortalyǵynyń tóraǵasy
Soltústik Qazaqstan oblysy
