Oı tamshylar shıyrlaıdy sanamdy...

Qazaqtyń basy – Abaı, júregi – Muqaǵalı. Bul – aksıoma! 
* * *
Álemde júrekti zerttep zerdelegen jalǵyz-aq ǵalym bar. Ol – Muqaǵalı Maqataev!
* * *
Bizdiń halqymyz beıbit ómir­ge shóldep týǵan. Áli de shóldep ke­lemiz. Máńgilik shóldeı beremiz. 
* * *
Muhammed s.á.s Paıǵambardan qalǵan ósıet bar: «Búlik shyqqan jerge jolamańdar». Sebebi, onda sasyq ıis bar. Dókir ıis qandy buzady, aqyl-esti tumshalap, júrekti qabady. 
* * *
Ulylyq kishireıýden bastalady. 
* * *
Renjimeńizder! Ersileý sóz, árıne. Zaman kúıleıdi. Sodan da myń-myń qubylady. Qazirginiń za­many – qysqa da nusqa. San emes, sapa. 
* * *
Kesh − eskilik. Tań – jańalyq. Tús – qubylý. 
* * *
Aqylǵa syımaǵan júrekke sııady. 
* * *
О́zińdi ózgeler jutyp qoımas úshin ózińdi óziń jeýdi úıren. 
* * *
Ulylar ylǵı da kóleńkeni saıa­­laı beredi. Al dańǵoılar bol­sa jaryqqa umtylýmen bola­dy. Se­bebi, ulylardyń ishi – jap-ja­ryq, dańǵoılardyń ishi – qa­rań­ǵy. 
* * *
Sózdiń qudireti: «Qudaıdan qo­ryq­paǵannan qoryq». 
* * *
Jany buzyq bir basqa. Qany buzyq bir basqa. Jany buzyq bas­taýyna qaıtyp oralady, al qany buzyq kelmeske ketedi. Qany buzyqtardan saqtaný kerek. 

Saǵat YRYS-DÁÝLET