«Kel jáne óz qýatyńdy tap». Túrkııa pavılonynyń basty taqyryby osylaı atalady. Baýyrlas eldiń ókilderi barlyq kelýshini «Jahandyq sınergııa» taqyrybynda ázirlengen ekspozısııalarmen qaıran qaldyrmaq. Jurtshylyq nazaryna Túrkııadaǵy barlyq mıneral kórsetilip, balamaly energııa salasyndaǵy jańa tehnologııalar usynylady.
Jańa ǵana ashylǵan baýyrlas elderdiń pavılonyna kelýshiler qatary kóbeıdi. Munda Anadoly tabıǵaty ınteraktıvti túrde kórsetilgen. Sondaı-aq, munda jylý kameralary ornalasqan. Kamerany bassańyz, adam jylýy arqyly ekranǵa sulbańyz shyǵady.
