Jıynǵa Lıýksembýrg premer-mınıstri Ksave Bettel qatysty. Elimizde jumys saparymen júrgen meıman kópultty mádenıetimizben jaqynyraq tanysqanyn aıtty.
Aıta keterligi, 1992 jyldyń 29 maýsymynda eki el arasynda dıplomatııalyq qarym-qatynas ornady. О́tken jyldyń qortyndysy boıynsha eki el arasyndaǵy saýda aınalymy 60 paıyzǵa ósip, 18 mln dollardan asty. Lıýksembýrg Qazaqstanǵa kólik quraldaryn, elektr tehnıkalyq jabdyqtar, toqyma matalary men metall eksporttaıdy.
- Qazaqstanmen 25 jyl boıy qarym-qatynasyn nyǵaıtyp kelgen Lıýksembýrgtiń Astanada buryn óz konsýldyǵy bolmaǵan edi. Búgingi jıynǵa eki eldiń ekonomıkasy men ishki qaýipsizdigine jaýapty laýazymdy tulǵalardyń qatysqany ashylý rásiminiń qanshalyqty mańyzdy ekenin kórsetedi. О́z basym bul konsýldyqqa jıi kelip, eldiń túrli qurylymdarynyń ókilderimen jıi kezdesip turýǵa tyrysamyn. Biz bul jerde ortaq bastamalar men jobalardy iske asyratyn bolamyz, - dedi Qazaqstandaǵy Lıýksembýrgtiń Tótenshe jáne О́kiletti elshisi Jan-Klod Knebeler.
