Kórme aıasynda konserttik baǵdarlamalar, qoldanbaly qolóner, kıiz úıler kórmesi, teatr qoıylymdary, jyr keshi, Esenǵalı Raýshanovtyń shyǵarmashylyq keshin ótkizý josparlanǵan. Sondaı-aq, 10-20 tamyz aralyǵynda etnoaýyl aýmaǵynda ornatylatyn 2 kıiz úı oblystyq murajaılar qory esebinen jabdyqtalyp, týyndylaryn satýǵa, sheberlik sabaqtar ótkizýge 20 qolóner sheberi qatysady.
Assambleıa hatshylyǵynyń uıymdastyrýymen 120 qatysýshysy bar 15 shara «Araı» saıabaǵynda ótse, 7 shara etnoaýyl aımaǵynda, 6 shara «Jeruıyq» saıabaǵynda, 6 shara «Stýdentter» saıabaǵynda, 6 shara «Báıterek» monýmentiniń aldyndaǵy alańda, 6 shara qala ákimdigi ǵımaraty aldyndaǵy alańda, 2 shara M.Gorkıı atyndaǵy memlekettik akademııalyq orys drama teatrynda, 1 shara qýyrshaq teatrynda, S.Adaıdyń shyǵarmashylyq keshi «Shabyt» saraıynda, Mańǵystaýdyń dástúrli án-kúı-jyr sazdarynyń konserti kongress-hollda ótedi dep belgilengen.
Mádenıet kúnine oblystan kórkemónerpazdardan, kásibı ujymdar men ártisterden quralǵan barlyǵy 447 adam qatyspaq. Qazirgi tańda ónerpazdar úshin 247 bıýdjet esebinen, 36 demeýshiler esebinen 273 jańa kıimder tigilip, jańa baǵdarlamalar jasaqtalýda.
Qazirgi tańda 31 kásiporyn, sonymen qatar, mekemeler men uıymdar, 5 aýdan jáne Aqtaý qalasy ákimdikterinen 37695 adam, onyń ishinde 5328 bala EKSPO-2017 kórmesine qatysqaly otyr.
Mańǵystaýlyqtardyń alǵashqy legi EKSPO-2017 kórmesine qonaq retinde attanyp ketti.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
