Bıyl 1 maýsymda «PrimeAviation» AQ men 12 maýsymda «KazAirJet» AQ áýe kompanııalary EASA-dan (Ushý qaýipsizdigi jónindegi Eýropalyq Avıasııalyq Agenttik) barlyq qajetti prosedýralardan sátti ótkenderi týraly jáne eýropalyq talaptarǵa sáıkes keletindigi jóninde jazbasha ruqsat aldy.
Eske sala keteıik, 2016 jyldyń 8 jeltoqsanynda Eýropalyq komıssııa barlyq qazaqstandyq áýe kompanııalardyń Eýropaǵa ushýlaryna shekteý qoıyp tastaǵan bolatyn.
Búgingi kúni «qara tizimde» qazaqstandyq áýe kompanııalar joq.
Eýropalyq Odaqqa úshinshi elderden reısterdi júzege asyrý maqsatynda 2014 jyldyń sáýir aıynda Eýropalyq komıssııa úshinshi elder ekslýatanttarynyń avtorızasııadan mindetti túrde ótý talabyn engizgen bolatyn.
Atalmysh avtorızasııalaý prosedýrasyn Ushý qaýipsizdigi jónindegi Eýropalyq Avıasııalyq Agenttigi júzege asyrady (EASA). Eksplýatantty avtorızasııalaý prosedýrasyna sáıkes, Ushý qaýipsizdigi jónindegi eýropalyq avıasııalyq agenttigine (EASA) reısti oryndardyń aldynda erterek tapsyrys berip qoıý kerek.
«SCAT» áýe kompanııasy alǵashqy avtorızasııa tapsyrysyn 2015 jyldyń 25 mamyrynda bergen.
О́tken jyldyń sońynda qazaqstandyq áýe kompanııalar úshin Eýropaǵa ushýǵa qoıylǵan shekteý resmı túrde alynyp tastalǵannan keıin 2017 jyldyń 11 sáýirinde EASA pen «SCAT» AQ ókilderiniń tehnıkalyq-keńestik kezdesýi boldy.
Saraptama nátıjesi boıynsha EASA «SCAT» áýe kompanııasyna birqatar eskertýler jasady. Eksplýatant eskertýge sáıkes tıisti jumystar atqaryp, kemshilikterdi joıatyn bolady.
Osylaısha, búgingi kúni otandyq «AirAstana» AQ, «PrimeAviation» AQ jáne «KAZ AIR JET» AQ áýe kompanııalary EASA avtorızasııasynan sátti ótip shyqty.
