– Olımpıadanyń byltyrǵy jarystan birneshe ereksheligi, jarysqa qatysýshy orta mektepter sany byltyrǵyǵa qaraǵanda kóp. Dese de, zııatkerlik mektepten qatysýshylar basym. Sonymen qatar, bıylǵy jarys kategorııalaryna «erkin kategorııa» qosyldy. Atalǵan kategorııa orta mekteptegi, ortalyqtardaǵy oqýshylardyń robotty tehnıkaǵa qyzyǵýshylyǵyn oıatý maqsatynda engizilip otyr, – deıdi olımpıadanyń bas tóreshisi Alqýat Qazıev.
Robotty tehnıka baıqaýy World Robot Olympiad (WRO) uıymynyń bastamasymen 2004 jyldan bastap uıymdastyrylady. Uıymnyń Qazaqstandaǵy ulttyq operatory – «Nazarbaev zııatkerlik mektepteri» derbes bilim berý uıymy. Aımaqtyq olımpıadada negizgi, shyǵarmashylyq jáne fýtbol kategorııalarynda I orynǵa ıe bolǵan oqýshylar EKSPO-2017 kórmesinde respýblıkalyq WRO-olımpıadasynda baq synaıdy. Bul jerde jeńiske jetken komanda ulttyq quramaǵa ilinip, dúnıejúzilik robot olımpıadasyna qatysady.
Gúlaıym Shyntemirqyzy,
«Egemen Qazaqstan»
Mańǵystaý oblysy
