Túrki halqynyń aqıyq aqyny Maǵjan Jumabaevtyń shyǵarmashylyq muralaryn keńinen nasıhattaýdy kózdegen baıqaýǵa Memlekettik syılyqtyń laýreaty, aqyn Nesipbek Aıtuly jetekshilik etip, aldynala irikteýden ótken 60-qa jýyq úmitker óz ónerlerin ortaǵa saldy.
Sahnaǵa aldymen jazba aqyndar kóterilip, Maǵjannyń rýhyna baǵyshtaǵan jyrlaryn oqydy. Olan keıin aqyn óleńderine jazylǵan jańa ánder oryndalyp, festıvaldi shaıyrdyń óleńderin mánerlep oqýshylar túıindedi.
«Jazba aqyndar múshaırasy» atalymy boıynsha almatylyq Ádilǵazy Qaıyrbekov jeńimpaz atandy. Jańa ánder konkýrsynda jeńistiń eń bıik tuǵyryna aqmolalyq Qurmet Saqaı kóterildi. Kórkemsóz sheberleri saıysynda petropavldyq Aıahbaı Dinmuhamed birinshi orynǵa laıyq dep tanyldy.
Jeńimpazdar men júldegerlerge qomaqty aqshalaı syılyqtar tabys etildi.
О́mir Esqalı.
«Egemen Qazaqstan».
Soltústik Qazaqstan oblysy.
