Atalǵan is-sharaǵa otandyq jáne sheteldik belgili abaıtanýshylar, ǵylymı-zertteý ınstıtýttarynyń mamandary men JOO oqytýshy-professorlary, kitaphana, murajaı qyzmetkerleri, jýrnalıster, t.b. qatysty. Sondaı-aq konferensııaǵa arnaıy shaqyrylǵan qonaqtar qatarynda Abaıdyń urpaǵy men týystary Kásıra Israıylqyzy (Abaıdyń shóberesi, Aqylbaıdyń nemeresi) jubaıymen, Erkejan Qızatollaqyzy (Táńirbergen (Tákejan) Qunanbaıulynyń urpaǵy), Nurgúl Álisherqyzy (Kákitaı Ysqaquly Qunanbaevtyń urpaǵy) boldy.
Konferensııany Instıtýt dırektory, QR UǴA akademıgi Ý.Q.Qalıjanov kirispe sózben ashty. Uly aqynnyń shyǵarmashylyǵyn túbegeıli zerttep júrgen belgili abaıtanýshy-ǵalym, fılol.ǵ.d., prof. M.Myrzahmetuly – «Abaıdyń «Tolyq adam» konsepsııasy jáne rýhanı jańǵyrý», A.Baıtursynuly atyndaǵy Til bilimi ınstıtýtynyń dırektory, fılol.ǵ.d., professor E.Z.Qajybek «Abaı murasy jáne ulttyq jańǵyrý», QR UǴA akademıgi H.M.Ábjanov – «Qazirgi tarıh ǵylymy jáne rýhanı jańǵyrý», e.ǵ.d., professor O.Sábden – «Abaı oı-órkenıetiniń elimizdiń rýhanı jańǵyrýyndaǵy úlesi», ál-Farabı atyndaǵy QazUÝ janyndaǵy Abaı ǵylymı-zertteý ınstıtýtynyń dırektory, fılol.ǵ.d., prof. J.Dádebaev – «Abaıtaný ǵylymynyń derbes ǵylymı-aqparattyq bazasy», M.O.Áýezov atyndaǵy Ádebıet jáne óner ınstıtýtynyń bas ǵylymı qyzmetkeri, fılol.ǵ.d., professor A.S.Isimaqova – «Alash abaıtanýy», M.O.Áýezov atyndaǵy Ádebıet jáne óner ınstıtýty Abaıtaný jáne jańa dáýir ádebıeti bóliminiń meńgerýshisi, fılol.ǵ.k., prof. S.S.Qorabaı – «Abaıtaný jańa ǵasyrda», I.Jansúgirov atyndaǵy Jetisý memlekettik ýnıversıtetiniń dosenti, fılol.ǵ.k. S.Qojaǵulov – «Abaı tanymyndaǵy kemel oı, kámil senim», Shyǵys Qazaqstan oblystyq sáýlet-etnografııalyq jáne tabıǵı-landshafttyq mýzeı-qoryǵynyń ǵylymı qyzmetkeri G.Kashaký – «Abaı taqyryby Qazaqstan sýretshileriniń týyndylarynda», M.O.Áýezov atyndaǵy Ádebıet jáne óner ınstıtýtynyń jetekshi ǵylymı qyzmetkeri, fılol,ǵ.k. A.Q.Mashaqova – «Abaı shyǵarmalarynyń sheteldik resepsııasy» degen taqyryptarda baıandamalar jasady. О́zbekstan Respýblıkasyndaǵy Halyqaralyq Týran akademııasynyń akademıgi Q.Seıdanov «Abaı jáne ózbek ádebıeti» atty taqyrypta baıandamasymen sóz sóıledi.
Atalǵan máseleler boıynsha baıandamalardy talqylaý nátıjesinde konferensııaǵa qatysýshylar qorytyndy jasap, naqty usynystardy anyqtap, qarar (rezolıýsııa) qabyldady.
Baǵashar TURSYNBAIULY,
«Egemen Qazaqstan»
ALMATY
