AQSh Federaldy barlaý bıýrosynyń dırektory Robert Mıýller Kongrestiń ókilder palatasynda sóılegen sózinde ózi jetekshilik etetin vedomstvonyń taıaý jyldardaǵy qyzmetiniń basym baǵyttarynyń biri kıberjansyzdyqpen kúres bolatynyn málimdedi.
Robert Mıýller AQSh-tyń qaýipsizdigine, onyń ishinde Qytaı tarapynan ekonomıkalyq jansyzdyq áreketter asa qater tóndiretinin atap ótken. Resmı Beıjiń kezinde Qytaı tarapynyń AQSh-tyń úkimettik mekemeleri men kompanııalaryna qarsy kıbershabýyl uıymdastyrmaǵanyn birneshe márte málimdegen bolatyn. R.Mıýller sondaı-aq mundaı «shabýyl» Reseı men Irannan da bolýy múmkindigin eskertken.
Oppozısııa lıderi sotqa júginbek
Polshadaǵy konservatıvti oppozısııanyń lıderi Iаroslav Kachınskı óziniń Germanııa jáne osy eldiń kansleri Angela Merkel týraly pikirlerin burmalap kórsetkeni úshin nemis jýrnalısterine qarsy sotqa júginetinin málimdedi. Keıbir aqparat quraldarynyń habarlaýynsha, ol Germanııanyń bir zańgerlik mekemesiniń qyzmetin paıdalanýy múmkin.
Iаroslav Kachınskı óziniń «Bizdiń armanymyzdyń Polshasy» dep atalatyn jańa kitabynda Germanııa kansleri A.Merkeldiń saıasatyn synap, ony Máskeýmen strategııalyq odaq ornatýǵa tyrysady dep kinálaǵan sııaqty. Sonymen qatar, saıasatker atalǵan kitabynda qazirgi kansler buryndary shyǵys-german arnaıy qyzmetimen baılanys jasaǵan jáne kanslerlik laýazymǵa onshalyqty demokratııalyq jolmen kelmegen degen pikir aıtqan kórinedi.
Pýtınniń komandasynda qalady
Reseı úkimetiniń tóraǵasy Vladımır Pýtın «Reseı shaqyrady!» forýmynda eldiń burynǵy qarjy mınıstri Alekseı Kýdrınniń óz komandasynda qalatyndyǵy, onyń AQSh-ta aıtqan pikiri «emosııalyq» sıpatta aıtylǵandyǵy týraly málimdedi.
V.Pýtın Alekseı Kýdrındi «Reseı úshin paıdaly jáne qajet» adam dep ataǵan. Premer-mınıstr «ol sóz joq, Reseıde ǵana emes, álemdegi jaqsy mamandardyń biri» dep atap kórsetken eken. Alekseı Kýdrın qarjy mınıstri qyzmetinen AQSh-ta jasaǵan belgili málimdemesinen keıin otstavkaǵa jiberilgen edi. Ol Reseıdiń qarjy mınıstrligine 2000 jyldan beri basshylyq etip kele jatqan bolatyn.
Qomaqty qarjyny jymqyrǵan
Tokıo soty Japonııa demokratııalyq partııasynyń eks-basshysy Itıro Odzavaǵa qarsy isti qaraýdy bastady. Saıasatkerge qarjylyq alaıaqtyq jasady degen aıyp taǵylǵan.
Júrgizilgen tergeý amaldary boıynsha, ol 2004 jyly óziniń úsh kómekshisimen ymyralasý arqyly partııanyń esep-shotyndaǵy 400 mıllıon ıendi (5 mıllıon dollar) zańsyz esepten shyǵarǵan kórinedi. Saıasatker bul aqshaǵa Tokıoda ózine jer telimin satyp alǵan jáne óziniń hatshylary úshin turǵyn úı salýdy josparlaǵan sııaqty. Tokıo soty Odzavanyń úsh kómekshisin de kináli dep taýyp otyr. Al saıasatker ózine taǵylǵan aıypty moıyndamaýda.
Telearna satyp alǵysy keledi
Interfaks agenttiginiń aqparatyna qaraǵanda, jańa saıası partııa qurýǵa nıettengen mıllıarder Býdzın Ivanıshvılı aqparattyq baǵdarlamalardy taratýǵa lısenzııasy bar Grýzııadaǵy telearnany satyp alýǵa yqylasty ekendigin bildirgen.
«Eger meniń osy usynysyma naqty múddelilik tanytqan telearnanyń qojaıynyna telearnanyń qunynan úsh eseden de kóp aqsha tóleımin», depti ol. Mıllıarderdiń aıtýynsha, telearnanyń qunyn Búkilálemdik banktiń usynymymen aýdıtorlyq kompanııalardyń biri baǵalaıtyn bolady. B.Ivanıshvılı sondaı-aq telearnany eki jyldan soń burynǵy ıesine sımvolıkalyq baǵamen, ıaǵnı 1 larıge baǵalap, qaıtaratynyna ýáde beripti.
10 myń sheneýnikti «otyrǵyzamyn» deıdi
Vladımır Jırınovskıı Memlekettik dýmanyń otyrysynda «Spravedlıvaıa Rossııanyń» lıderi Sergeı Mıronovty, Máskeýdiń eks-meri Iýrıı Lýjkovty, taǵy 10 myńǵa jýyq saıasatker men sheneýnikti «otyrǵyzýǵa» ýáde berdi. Onyń málimdeýinshe, «tutqyndaý» prezıdenttik saılaý aıaqtalǵan kúnniń erteńinde bastalmaq.
«Prezıdent kim bolatynyn sizder áli bilmeısizder. Úlken «syılyq» bolady. Tutqyndaýdy 5 naýryzda, dúısenbi kúni saǵat 10.00-de bastaımyz. On myń sheneýniktiń tizimi daıyn, men qol qoıdym», depti partııa basshysy. О́ziniń sózinde V.Jırınovskıı Memdýma spıkeri B.Gryzlovqa Mıronov pen Lýjkov tarapynan bolýy múmkin sot qýǵyndaýynan qorǵaý týraly ótinishpen de shyǵypty.
Qysqa qaıyryp aıtqanda:
*AQSh prezıdenti Barak Obama baspasóz máslıhatyndaǵy sózinde Pákstandy aýǵandyq ekstremıstik toptarmen baılanys jasady dep aıyptady. Prezıdenttiń pikirinshe, bul eki eldiń strategııalyq áriptestigine nuqsan keltiredi.
*Brıtandyq prokýratýra jekelegen adamdardyń Londonǵa saparmen kelgen Izraıldiń burynǵy syrtqy ister mınıstri Sıpı Lıvnıdi tutqyndaýǵa qol jetkizý talabyna jol bermedi. Brıtandyq quqyq qorǵaýshy toptary ony 2008 jyly Gaza sektoryndaǵy operasııa kezinde áskerı qylmys jasady dep aıyptaıdy.
*Chılıde ereýilge shyqqan stýdentter bılikpen kelissóz júrgizýden bas tartty. Olardyń talaby – tegin bilim alýǵa qoljetimdilik jaǵdaı jasaý.
*Reseı prezıdenti Dmıtrıı Medvedev Abhazııanyń burynǵy prezıdenti, marqum Sergeı Bagapshty «Mýjestvo» ordenimen nagradtady. Nagrada oǵan «Zakavkaze óńirindegi jaǵdaıdy turaqtandyrýǵa jáne ondaǵy problemalardy sheshýge» qosqan eńbegi úshin berilgen.
Internet materıaldary negizinde ázirlendi.
