Densaýlyqqa dem bergen poıyz

Memleket 2010 jyldan beri bi­lik­ti kadr­larmen, zamanaýı emdik jáne dıagnos­tıkalyq qurylǵylarmen jabdyqtalǵan arnaıy poıyzdy jolǵa shyǵarǵan edi.  Byltyrǵa deıin «Densaýlyq» poıyzdary shalǵaıdaǵy 1 052 beketke baryp, 299 myń turǵyndy, sonyń ishinde 70 myńnan astam balany dárigerlik tekserýden ótkizgen. Onyń syrtynda 1,5 mıllıonǵa jýyq dıagnostıkalyq emshara, 4 myń sha­ǵyn ambýlatorııalyq ota jasalyp, 19 telemedısınalyq keńes berilgen. Sondaı-aq, aq jeleńdiler adamdardyń boıynan olardyń ózderi de bilmeı júrgen 394 myń dertti anyqtapty.

Quramynda terapevt, stomatolog, of­tal­molog, otorınolarıngolog, hırýrg, pedıatr, gınekolog, endoskopıst, kar­dıo­log, nevropatolog sekildi mamandary bar dárigerlik brıgada onkologııalyq aýrý­lar­dy, týberkýlez, qant dıabeti sekil­di aýyr syr­qattardy bastapqy satyda anyq­taýda úlken kómegin tıgizip júr. My­sa­ly, ar­naıy jab­dyqtalǵan zerthanalarda qannyń quramyndaǵy qant mólsheri bir­neshe sekýndta anyqtalady. Naýqas jandar­dyń qan jáne nesep saraptamasy, bıohımııalyq taldaý da shuǵyl daıyndalady. Munyń bári dıagnozdy dál ári tez qoıý­ǵa múm­kindik beredi.

Eki quramǵa bólingen poıyzdyń «Sala­mat­ty Qazaqstany» bıylǵy 6 qarashaǵa deıin ortalyq, soltústik, shyǵys jáne ba­tys aımaqtardy aralasa, «Densaýlyq» quramy 20 jeltoqsanǵa deıin ońtústik jáne batys aımaqtarǵa barady.

Jolǵa shyqqan 96 kúnde «Densaýlyq»  poıyz­dary júzge jýyq temir jol stansa­sy­nyń turǵyndaryna kómek kórsetken. Olardyń ishinde Qaraǵandy, Mańǵystaý, Shyǵys Qazaqstan, Atyraý, Qyzylorda já­ne Pavlodar oblystarynan 5193 bala bar.

Dárigerlerge qaralǵandardyń jalpy sany – 192 392. Naqtyraq, aıtsaq, 157 013 tur­ǵyn dıagnostıkalyq tekserýden ótse, 566 azamatqa ambýlatorııa jaǵdaıynda ota jasalǵan. Mammolog-mamandarǵa – 873 áıel, tis dárigerlerine –   9949 azamat qaralǵan.

«Salamatty Qazaqstan» medısı­na­lyq poıyzy ótken aptada Shyǵys Qazaqstan ob­ly­syndaǵy saparyn aıaq­tady. Qazirgi kez­de jyl­jymaly quram Pavlodar óńirin, al «Densaýlyq» poıyzy Qyzylorda oblysyn aralap júr, deıdi «Qazaqstan temir joly» UK» AQ «Áleýmettik jobalar qory» korporatıvtik qorynyń dırektory Erbol Keńgirbaev.

Qymbat TOQTAMURAT,
«Egemen Qazaqstan»