Astanalyqtar alda keledi
О́tken aptanyń aıaǵynda Kosta-Rıkada jalaýyn kótergen «Výelta» báıgesinde «Astana Women’s Team» komandasynyń 22 jastaǵy shabandozy Arlenıs Serra jeńiske jetti.
Taýly ólkede uıymdastyrylǵan jarystyń tórt kezeńniń úsheýinde Arlenıs Serra jeńis tuǵyryna kóterilip, jeńimpazǵa beriletin qyzǵylt tústi maıkaǵa ıe boldy. Onyń komandalastary Sofııa Beggın men Sofııa Bertıssololar jarystyń kóp kezeńdik qorytyndysy boıynsha 5-shi jáne 6-shy orynǵa turaqtady. Jalpy komandalar arasyndaǵy kórsetkish boıynsha «Astana Women’s Team» kósh bastap tur.
Azııanyń úzdigi ataldy
Qytaıda ótken «Tour of Qinghai Lake» halyqaralyq velojarysynda «Astana Motors Vino 4ever» velokomandasy «Azııanyń eń úzdik komandasy» ataǵyn jeńip aldy.
Komanda shabandozy Evgenıı Gıdıch jarystyń 13-kezeńinde 2 saǵat 13 mınýt 58 sekýndtyq nátıje kórsetip, úzdikter sapynan kórinip, jalpy esepte ekinshi orynǵa turaqtady. Bul jarysta baq synap jatqan 23 komanda arasynan «Sınhaı Tianyoude» komandasy bas júldege laıyq dep tanylsa, astanalyqtar úzdikter qataryna ilikti.
Jeńil atletter Londonda saıysady
London qalasynda ótetin XVI álem chempıonatyna álemniń 205 elinen 2034 jeńil atlet qatysady dep kútilýde. 2015 jyly Beıjińde ótken chempıonatqa 207 elden 1936 atlet qatysqan bolatyn.
Atalmysh álemdik dodada Qazaqstan namysyn 13 sportshy qorǵaıdy. Olar – Olga Rypakova, Marııa Ovchınnıkova, Vıktorııa Zıabkına, Polına Repına, Georgıı Sheıko, Regına Rykova, Dıana Aıdosova, Elena Nanazıashvılı, Olga Safronova, Iýlııa Rahmanova, Rıma Kashafýtdınova, Svetlana Golendova, Anastasııa Týlapına.
Toptamany ázirlegen Beken QAIRATULY,
«Egemen Qazaqstan»
