Qasiret kartınalary

Sýretshi 1947-1991 jyldar ara­lyǵynda 490 dúrkin atom bom­basy (26 dúrkin jer betin­de, 87 dúrkin atmosferada, 354 dúrkin jer astynda) jarylyp, synaq júrgizilgen Semeı ıadro­lyq polıgonyna irgeles Egin­dibulaq aýylynda týǵan. 

«Bala kezimde jarylys­tan úıdegi aspaly shamdar qoz­ǵalyp, ydys-aıaq syldyrlaı­tyn. Bárimiz dalaǵa atyp shy­ǵa­tyn­byz. Bizge radıo habar­lama arqyly «eshqandaı ra­dıa­sııanyń taramaǵany» týraly aıta­tyn.  Sóıtsek, olaı bolmapty, men týǵan aýyl 40 jyl radıa­sııa ýyn jutypty. Kóp­tegen otbasynda múgedek ba­lalar dúnıege keldi. Sonyń bir kýá­si menmin. Sondyqtan ómi­rim­di osy máselege arnadym», deıdi K.Kúıikov.
Kórmege sýretshiniń  20-ǵa tarta týyndysy qoıyldy. Olar­dyń arasynda kenepke maıly boıaýmen salǵan: «Polıgon qur­bany», «Ana qorqynyshy», «Aman qalǵan», «Buryshta», t.b. kartınalarymen qatar akva­rel stılinde qaǵazǵa ja­zyl­ǵan «Qazaq eposy», «Qart­t­ar» atty shyǵarmalary bar. Týyndylardaǵy basty ta­qy­ryp – ıadrolyq qarýdyń adam balasyna tıgizgen zardaby. Sondyqtan da bolar  2016 jy­ly Vashıngton qalasynda ót­ken Iаdrolyq qaýipsizdik sam­mıtinde Elbasy Nursultan Na­­zarbaev sol kezdegi AQSh Pre­­zıdenti Barak Obamaǵa Kúı­i­kov­tiń «Jarylys» atty kartınasyn tabystaǵan bolatyn. 

Jıyndy ashyp, sóz sóılegen Ult­tyq mýzeı basshysynyń min­detin atqarýshy Jáken Taı­maǵambetov myrza, bul sha­ranyń osymen úshinshi márte uıym­dastyrylyp otyrǵanyn, bul joly 1945 jyly 6-9 tamyz­da Japonııanyń Hırosıma já­ne Nagasakı qalalaryna tas­tal­ǵan atom bombasynyń zarda­byn eske alý maqsatynda ótip otyrǵanyn jetkizdi. 

Kórmeniń ótýine qoldaý kór­se­tý­shiler atynan – Syrtqy ist­er mınıstriniń orynbasa­ry Roman Vasılenko men Ja­po­nııa­nyń elimizdegi Tótenshe já­ne ókiletti elshisi Itıro Ka­vabata jyly lebizderin bil­dirip, shyǵarmashylyq ıesine tolaıym tabystar tiledi.