«Zarıa» degen saýda belgisimen ónim shyǵaratyn seh erler, áıelder jáne balalarǵa arnalǵan qystyq, jazdyq jáne sporttyq sekildi 27 túrli aıaq kıim shyǵarady. Qazirgi zamanǵa laıyqty 180 model tigiledi.
Otandyq ónim shyǵaryp otyrǵan kásipker shıkizattyń basym kópshiligin Shymkenttegi qarakól zaýytynan jáne Almaty men Semeı qalalarynan alyp otyr.
О́nimin eksportqa shyǵarýdy kózdep otyrǵan seh basshysy búginde Reseı kásipkerlerimen kelissózder júrgizgen. Kelisim oń nátıjesin berse, olar aıyna 1000 juptan astam ónim almaq.
Sondaı-aq, seh ónimine Astana men Aqtóbe qalalarynyń kásipkerleri de qyzyǵýshylyq tanytyp otyr. Olar óz qalalarynda «Zarıa» aıaq kıim dúkenin ashýdy kózdeýde.
Búginde 30-40 jup aıaq kıim shyǵaryp otyrǵan seh ónimderin OQO men Jambyl, Qyzylorda oblystarynda jáne Almaty qalasynyń naryǵyna shyǵaryp keledi.
Aıta keteıik, ónimniń baǵasy da qaltaǵa qonymdy. Máselen, erlerge arnalǵan aıaq kıim 5-10 myń teńge aralyǵynda bolsa, áıelder aıaq kıimi 5-15 myń teńge tóńireginde. Al, balalar aıaq kıimin 4000-8000 teńgege satyp alýǵa bolady.
