Elbasy astyq alqabynyń jaǵdaıymen jáne egin sharýashylyǵy ónimderin óndirý, ony satýmen aınalysatyn agrarlyq kásiporynnyń qyzmetimen tanysty.
Nursultan Nazarbaevqa aldaǵy egin orý naýqany jáne oǵan aýyl sharýashylyǵy tehnıkalarynyń daıyndyǵy týraly baıandaldy.
Sonymen qatar, Qazaqstan Prezıdenti oblystyń sharýalarymen áńgimelesip, aýyl sharýashylyǵynyń qazirgi jaǵdaıy jóninde surady.
Áńgime barysynda sharýashylyq eńbekkerleri Elbasyǵa qabyldanǵan agroónerkásip keshenin damytý baǵdarlamasy aıasynda memleket tarapynan qoldaý kórsetilip otyrǵany týraly aıtty.
Sondaı-aq, Memleket basshysy aýyl sharýashylyǵy ónimderin óndirýshilermen birge sýbsıdııa berý, agrarlyq ónimder eksportyn damytý jáne sharýashylyqty tehnologııalyq jańǵyrtý máselelerin talqylady.
