Búgin Astanada QR Mádenıet jáne sport mınıstrliginiń uıymdastyrýymen ótken BAQ ókilderi arasyndaǵy shaǵyn fýtboldan Seıdahmet Berdiqulovty eske alýǵa arnalǵan týrnır óz máresine jetti.
Osymen 20-shy ret ótkizilip otyrǵan sport dodasyna bıyl 22 komanda qatysty.
«Prosport» komandasyna 1:2 esebimen ese jibergen «egemendikter», «Qyzyljar» komandasyn 4:2 jáne «Kazsport» quramasyn 7:0 esebimen tize búktirip, toptyq kezeńnen ótti.
Budan keıin 1/4 fınalda 2:1 esebimen OQO-2 komandasynan basym túsip, jartylaı fınalda «Habar» telearnasyn da dál osyndaı eseppen utty (2:1).
Fınaldyq kezdesýde «Egemen Qazaqstannyń» jigitteri Ońtústik Qazaqstan oblysynyń BAQ ókilderinen quralǵan OQO-1 komandasymen kezdesti. Tartysty matchta «egemendikter» qarsylastaryn ózderine úırenshikti 2:1 esebimen tize búktirip, týrnırdiń jeńimpazy atandy.
