Shomylý, bý qabyldaý, dem alý oryndary barlyq talaptarǵa saı jasalǵan. Múgedekter úshin pandýs úlgisindegi arnaıy basqysh ornatylǵan. Aǵash otynmen jaǵylatyn jyljymaly áleýmettik monshanyń ıesi Ýálıhan Ybyraev bul ıdeıany kópten beri oılastyryp júrgen. Osydan birneshe jyl buryn Zeınep apa úsh ret ınsýlt alyp, qolarbaǵa tańylyp qalǵan. Súıikti anasynyń jaǵdaıyn barynsha jeńildetýdiń joldaryn qarastyrǵan kenje ul osy jobany oılap tapqan.
Monshany qyzmetin júrip-turýy qıyn kembaǵal jandarmen qatar kópshilik te keńinen paıdalanady. Búginge deıin bes myńǵa jýyq adam ıgiligin kóripti.
– Kembaǵal jandar úshin áleýmettik qyzmetkerler taǵaıyndalǵan. Az qamtylǵan, kóp balaly otbasylardyń da qatary az emes. О́tinish-tilekter telefon arqyly qabyldanady. Oblys ortalyǵynan syrtqary jerlerge de baryp júrmiz,– deıdi Ýálıhan.
Ýálıhannyń endigi maqsaty – baǵdarlama aıasyn odan ári keńeıtip, jyljymaly áleýmettik monsha keshenin qurý.
О́mir Esqalı,
«Egemen Qazaqstan»
Soltústik Qazaqstan oblysy
