Is-sharany Qazaqstan Respýblıkasynyń Tuńǵysh Prezıdenti – Elbasy kitaphanasy dırektorynyń birinshi orynbasary Ámirhan Rahymjanov ashty.
– Memleket basshysy N.Á. Nazarbaev: «Abaı sózi – qazaqtyń boıtumary. Abaı murasy – qazaqtyń eń qasıetti qazynasy», - deıdi. Qoǵamdyq sanany jańǵyrtý baǵdarlamasyn qoldaý jolynda Elbasy kitaphanasy Abaı murasyn jastar arasynda dáripteý jáne olardyń ádebı talǵamyn qalyptastyrý, oqý mádenıetin ilgeriletý máselesin myqtap qolǵa aldy. Osy oraıda «Abaı oqýlary» el azamattarynyń boıyndaǵy ulttyq rýhty kóterip, otansúıgishtik qasıetter men áleýmettik, azamattyq jaýapkershilikti arttyrýǵa baǵyttaldy, - dedi saıası ǵylymdardyń doktory, professor Ámirhan Muratbekuly.
Belgili abaıtanýshy, Qazaqstan Jazýshylar odaǵynyń múshesi Almahan Muhametqalıqyzynyń sózinshe, Abaı shyǵarmashylyǵyn búgingi urpaqqa jan-jaqty nasıhattaýdyń mańyzy zor. Bul pikirdi L.N.Gýmılev atyndaǵy Eýrazııa ulttyq ýnıversıtetiniń prorektory, fılologııa ǵylymdarynyń doktory, professor Dıhan Qamzabekuly da qoldaıdy. Onyń aıtýynsha, Abaıdyń ádebı murasyn keńinen nasıhattaý – jastardy ult rýhanııatyna tárbıeleýdiń, ulttyń tili men dilin oıatýdyń birden bir quraly. Is-shara barysynda «EXPO&WOMEN» halyqaralyq uıymynyń atqarýshy dırektory Lázzat Asqarova óz baıandamasyn oqydy.
Nátıjesinde birinshi oryndy Almaty oblysy Qaskeleń qalasyndaǵy «Aıajan Qarasaı» medısınalyq kolledjiniń túlegi Saltanat О́tebaı qanjyǵasyna baılady. II dárejeli dıplommen Astana qalasy Qazaq ulttyq óner ýnıversıtetiniń 2 kýrs stýdenti Raýan Ábdýálı marapattaldy. Úshtikti Soltústik Qazaqstan oblysy Aqbulaq aýylyndaǵy Chehov orta mektebiniń 11 synyp oqýshysy Vıktorııa Vıýshkına men Almaty oblysy Qarasaı aýdany Úshqońyr aýylyndaǵy orta mektep-gımnazııasynyń 8 synyp oqýshysy Baǵıla Nıetýllaeva túıindedi. Almaty oblysy, Jambyl aýdany Qaınazar orta mektebiniń oqýshylary, apaly-sińlili Darııabaı Ásel men Arýjan yntalandyrý syılyǵy men «eń jas qatysýshy» nomınasııasyn ıelendi. Al Nottıngem ýnıversıtetiniń 2 kýrs stýdenti Janbota Dúısebaeva «Abaı murasyn álemdik keńistikte dáripteý» nomınasııasynyń júldegeri atandy. Olarǵa tyń kitap toptamalary men biregeı estelik syılyqtary tartý etildi.
Shara barysynda kópshilik nazaryna usynylǵan kitap kórmesinde Kitaphana qory men Elbasynyń jeke kitaphanasyndaǵy biregeı basylymdar berildi. Qonaqtar Abaı týyndylary alǵashqy aýdarmalarynyń túpnusqalarymen tanysty.
Esterińizge salsaq, «Abaı oqýlary» atty jylsaıynǵy ádebıet saıysy ultymyzdyń uly aqyny, dana oıshyly, qazaq jazba ádebıetiniń negizin qalaýshysy jáne tuńǵysh klassıgi Abaı Qunanbaıulynyń týǵan kúnine oraı ótkizilgen bolatyn. Oǵan qatysqan jumystarmen Instagram, Facebook áleýmettik jelilerinde #bizdińAbaı #Abaıádebıetsaıysy #ElbasykitaphanasyAbaı heshtegteriniń kómegimen tanysýǵa bolady.
