EKSPO-2017 • 28 Tamyz, 2017

EKSPO-2017. 3 mıllıonynshy meıman tirkeldi

128 ret kórsetildi

EKSPO qalashyǵy óziniń úsh mıllıonynshy kelýshisin kútip almas buryn uıym­dastyrýshylar BAQ ókilderin jıyp, saqadaı-saı otyrdy. 25 tamyz kú­­ni kúndizgi saǵat 12-den 38 mınýt ótkende esep júıesi qalashyq qaq­pa­la­ry­nyń birinen qannen-qapersiz attaǵan Iýrıı Shýrygın atty meımandy 3 mıl­­lıonynshy kelýshi retinde belgilep, kúzet qyzmeti ony dereý Medıa or­ta­­­lyqqa alyp keldi. Ol ózin kútip otyrǵan jýrnalısterdi kórip tipti tańǵal­dy.

EKSPO qalashyǵy kútpegen tosynsyılar jasap turady. Osynyń aldynda da mıllıonynshy kelýshi men eki mıllıonynshy kelýshini dál osylaı kútip alyp, olardyń gazetter men teleekrandardan kórinýine jaǵdaı jasaǵan. Syılyq berýdi de umytqan joq-tyn. Bul joly da dál solaı boldy. Iýra eń aldymen BAQ ókilderiniń saýalyna jaýap berip, sosyn uıymdastyrýshylar atynan arnaıy syılyqtardy ıelendi. 

EKSPO-nyń 3 mıllıonynshy qonaǵy máskeýlik Iýrıı Shýrygın Astanaǵa «Eýrazııa aptalyǵy» aıasynda ótip jatqan is-sharalarǵa qatysý úshin kelgen. Ol EKSPO-nyń úsh mıllıonynshy qonaǵy bo­­­lyp tirkelmeı turyp, bir kún buryn qa­la­shyqty aralaǵan bolyp shyqty. «Ma­ǵan «Nur álem» pavılony qatty unady. Al búgin jumys kestem tyǵyz bolsa da, Reseı pavılonyn aralaý úshin ádeıi kelgen edim», – degen ol EKSPO kórmesiniń Re­seıdiń Ekaterınbýrg qalasynda 2025 jy­ly uıymdastyrylýy múmkin ekenin, mun­daı kórmelerdiń adamdarǵa jaqsy áser syılaıtynyn aıtyp ótti.
Al «Astana EKSPO-2017» UK» AQ tó­raǵasy Ahmetjan Esimov qurmetti qonaqty qut­tyqtap, oǵan estelik syılyqtar tartý etti. Tóraǵa kórmege kelýshilerdiń sany kún sanap ósip kele jatqanyn málimdedi. Ke­lý­shi­lerdiń 15 paıyzynyń sheteldik qonaqtar eke­nin, al sheteldikterdiń arasynda reseılik qo­naqtardyń úles sany kóp ekenin aıtty. 

Eske sala keteıik, EKSPO qalashyǵynda mıllıonynshy meıman kórme bastalǵan soń 31 kúnnen keıin tirkelgen bolsa, eki mıllıonynshy qonaq tamyzdyń 4-i kúni belgilengen. 

Aıgúl Seıil,

"Egemen Qazaqstan"

Sońǵy jańalyqtar

Murat Áıtenov chempıondardy marapattady

Aımaqtar • Búgin, 21:48

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Antalııada Abaı saıabaǵy ashyldy

Rýhanııat • Búgin, 12:00

Uqsas jańalyqtar