Chernogorııa qaıta qapy qaldyrdy

Jasyratyny joq, el fýtbolshylary quramaǵa bas bapker bolyp Aleksandr Borodıýk kel­geli upaıǵa jarymaı-aq qoı­dy. Reseılik mamannyń qara­maǵynda jattyqqan kezin­de Qazaqstan fýtbolshylary tórt oıynnyń bárinde jeńi­lis­ke ushyrady. Aldymen jol­das­tyq kezdesýde Kıpr qu­ra­masyna 1:3 esebimen ese ji­ber­­di. Odan keıin 2018 jyl­ǵy álem chempıonatynyń irik­teý ke­zeńinde Armenııadan 0:2, Da­nııadan 1:3 jáne Cherno­go­rııa­dan 0:3 esepterimen jeńildi.

Burnaǵy kúni Chernogo­rııa­men ótken básekeniń birinshi bó­­li­ginde qandaı da bir ko­man­da basymdyq tanytty dep aıta qoıý qıyn boldy. Match alma-kezek shabýylmen ór­bi­gen. Degenmen, jekelegen tus­tarda qonaqtardyń bir jeń­nen qol, bir jaǵadan bas shyǵa­ra bil­gen uıymshyl ujym eken­di­gi baıqalyp turdy. Onyń ús­ti­ne, olar jekelegen oıynshy-la­­rynyń sheberligi jaǵynan da bizdiń fýtbolshylarǵa qara­ǵan­da, áldeqaıda táýir kóringen. 

Jalpy, Lıýbısha Týmba­ko­vıchtiń shákirtteri bul oıyn­da «E» tobyndaǵy túıispe match­tan birden bir dámeli koman­da ekendikterin kórsetti. Match­tyń 31-mınýtynda qo­naq­tardyń shabýylshysy Stevan Iovetıch tamasha pas berip  Mar­ko Veshovıchti biz­diń qaq­pa­shymen betpe-bet shy­ǵar­dy. Obaly neshik, Davıd Lorııa taısalmastan qarsy umtylǵan. Biraq, aılaly Veshovıch dopty qaqpashydan ádemi asyryp, esepti ashyp ketti.

Arada alty mınýt ótkende bizdiń oıynshylardyń esepti teńestirýge múmkindigi bolǵan. Ǵafýrjan Súıimbaevtyń áýe­lete bergen pasyn Islambek Qýat baspen urǵan edi, dop qaq­panyń mańdaıshasyna tıip, keı­in serpildi.

Ekinshi taımda «qarataý­lyq­tardyń» shabýylshysy Fatos Bechıraı standartty jaǵ­daı­­dan tebilgen dopqa bári­nen bu­ryn jetip, baspen gol soq­ty. Al kezdesýdiń 63-mı­ný­tynda Mar­ko Sımıch qaq­pa­shy Lo­rııa­ny taǵy da qapy qal­dy­ryp, úshinshi dopty engizdi. 

Sonymen, fýtbol áleminde «Qarshyǵa» dep atalyp júr­gen Qazaq eliniń komandasy Chernogorııa quramasynan osymen ekinshi ret jeńildi. Byltyr, qazan aıynyń 8-i kúni bizdiń fýt­bolshylar Chernogorııa je­rinde 0:5 bolyp tize búkken bolatyn. 

Búgin Qazaqstan qurama ko­mandasy «E» tobynda kósh bastap kele jatqan Polsha eliniń fýtbolshylarymen kúsh synasady. 

Qaırat JÚNISULY