«Sıtoraı somon» syıy

Merekeni uıymdastyrýshy  – oblystaǵy «Sıtoraı somon» tájik etnomádenı birlestigi. Al «Sıtoraı somon» degen sóz tájik tilinen aýdarǵanda «ja­­­ryq juldyz» degen maǵyna bil­diredi eken. Tájikter de ót­kenin kóne shejireden izdeıdi. Dástúr boıynsha, tamyzdyń sońyna qaraı erteletip karnaıdan áýender qalyqtap, jurtty Qaýyn merekesine shaqyratyn bolǵan. Sóıtip, sogdı dıqandary ósirgen ártúrli qaýyn túrlerin ákelip, dámdiligimen qýantady. Olar qaýynǵa degen ózderiniń rızashylyqtaryn osy­laı bil­dirgen eken. Tipti, Tá­jik­stan­nyń Gıssar degen kentinde qaýyn úl­gisinde jasa­lynǵan shaıhana da ashylypty. 

Me­rekege jınalǵandarǵa áb­den pisken qaýyndy qalaı tań­daý kerektigi, qandaı emdik qa­sıetteri bar ekendigi aıtyldy. Saıabaq ishinde jasalǵan ústel basynda dámdi qaýyndar tilinip, jańa pisken palaýmen qosyp jep, jınalǵandar bir jyrǵap qaldy. Bir-birimen qaýyndy jyl­dam jeýden jarys ótki­zip, túr­li oıyndar uıym­das­ty­ryl­dy. 

– Qazirgi ýaqytta óńirde 500-deı tájik ultynyń ókili tu­ra­myz. Negizi, tájikterdiń kóbi  Ońtústik Qazaqstan oblysyn mekendeıdi. Qazir soltústikke qaraı kóshý jaıly estip, osy jaqqa kelgisi keletinder de bar. Osydan tórt jyldaı ýaqyt bu­ryn oblys ortalyǵynda tájik zııa­lylarynyń qoldaýymen «Sı­toraı somon» etnomádenı bir­­lestigi quryldy. Bizdiń bir­­lestik te basqalar sekildi, aı­maqtaǵy barlyq mádenı shara­larǵa qatysamyz. Búgingi mereke barysynda ultymyzdyń salt-dástúri, uly adamdary, ta­ǵamdary, mádenıeti, qol­óneri, mýzykalyq aspaptary, qaýyn­nyń ózindik qupııalary jaıly aıtyp, Omar Haııamnyń rýbaıat­­taryn jyrladyq, – deıdi bir­­lestik jetekshisi Hýsaın Gýlov.

Oblysymyzda aınalymnan at ozdyrǵan tájik azamattary kóp. Mysaly, 90-jyldary Qashyr aýdany, Tereńkól aýy­lyna kelip, turaqtap qal­ǵan Iаkýb Djabınov Tájik­stan­nyń óner ınstıtýtyn biti­­ripti. Shámshiniń ánderin naqyshyna keltire shyrqaıdy. О́ńirlik Assambleıanyń beldi múshesi. Qazir osy aýylda Ma­ma­dálıvterdiń otbasy da óz kásipterin ashyp, jylyjaıda qııar, qyzanaq ósirýde. Qaýyn merekesiniń sońynda Iаkýb Dj­a­bınov, Dostyq úıiniń horeo­gra­fııalyq ansamblderi týǵan jer, el, dostyq, birlik týraly ánder shyr­qap, bı bıledi.

Farıda BYQAI,
«Egemen Qazaqstan»

PAVLODAR

Sýretterdi túsirgen 
Maqsat AITBAI