Respýblıkada damýdyń bes ústem baǵyty bar. Sonyń aıasynda úlken kólemde jasampazdyq jáne abattandyrý jumysy atqaryldy. Jastardy joǵary bilimge tartýǵa, aımaqta eńbek etip júrgen mamandardy qoldaýǵa, turǵyndardyń kásipkerlikpen shuǵyldanýyna úlken jeńildikter jasaldy. Sondaı-aq, el táýelsizdiginiń 26 jyldyǵy qarsańynda Naýaı oblysynda «О́zbekstan, caǵan jankúıermiz!» atty taqyryppen merekelik sharalar men kezdesýler uıymdastyrylyp, reformanyń nátıjeleri anyq baıqaldy.
Aıtýly merekege Qazaqstan Respýblıkasynyń О́zbekstandaǵy Tótenshe jáne ókiletti elshisi Erik О́tembaev ta qatysyp, el qýanyshyna ortaqtasqany turǵyndarǵa erekshe rýh syılady. Osy saparynan keıin Erik О́tembaev oblystaǵy jaǵdaıǵa baılanysty pikirimen bólisti:
«Osynda qazaq tilinde bilim berilýi, qazaq tilindegi oqýlyqtarmen qamtamasyz etilýi, ustazdardyń qazaq ekeni qýantarlyq jaıt. Munda bilimge den qoıǵany naqty kórinip tur. Ilimge qumarlyq búkil О́zbekstan mektepterine tán. О́zbekstan men Qazaqstan Prezıdentteri ekeýara kezdesýinde qazaq pen ózbektiń týys halyq ekenin tilge tıek etedi. Bul ‒ eki halyqty jaqyndastyra túsetin qadam», ‒ dep elshi aǵynan jaryldy.
О́zbekstan basshysynyń qaýlysyna oraı, Úshqudyq aýdanyndaǵy Jelqudyq aýyly kórkeıe tústi. Eldi mekendegi 36 ǵımarat jóndeýden ótip, oǵan 200 mıllıon sým bólindi. Aýyldaǵy 65 shaqyrymdyq jol qaıta jańartylyp, asfalt tóseldi. Sondaı-aq, qazaq tilinde sabaq beretin №2 mekteptiń jańa ǵımaraty qoldanýǵa berildi. Aıta ketý kerek, 40 oryndyq bilim ordasyn salýǵa 522 mıllıon sým qarajat jumsaldy. Alystan at terletip kelgen meımandar zamanaýı mekteppen tanysyp, zor áser aldy. О́z kezeginde qonaqtar oqý ordasyna túrli syılyqtar men ádebı kitaptar tartý etti.
Aýyldyq jerdegi pedagogtardy qoldaý maqsatynda memleketten tegin turǵyn úı beriledi. Osyǵan sáıkes, Tamdy aýdany tolyqtaı, Kenımeh jáne Úshqudyq aýdandarynyń keı eldi mekenderinde bilimdi mamandardy tartý maqsatynda jeńildikter qarastyrylǵan. Máselen, úı berý ne jataqhanamen qamtamasyz etý jolǵa qoıyldy. Munyń bári atalǵan aýdandarda kadr jetispeýshiligine baılanysty problemalardy sheshýge zor úles qosady.
Qonaqtar aýyldaǵy dárigerlik pýnkt jaǵdaıymen tanysty. Munda joǵarǵy bilimdi 7 medısına mamany qyzmet atqarady. Kerekti dári-dármektiń bári tabylady. Zerthanada jalpy jáne bıohımııalyq qan taldaýlaryn ótkizýge múmkindik bar. Mereke qarsańynda dárigerlik pýnktke «Damas» avtokóligi tapsyryldy.
Qazaqstanmen shekaralas Tamdy aýdanynda 7 aýyl bar. Mundaǵy jaǵdaı keıingi kezde túbegeıli ózgerdi. Máselen, №12 mýzyka jáne óner mektebinde ulttyq saz aspaptary men dombyrada oınaýdy úırenip, horeografııa men estrada baǵytyna mamandanady. Sonymen qatar, bilim salasyndaǵy deńgeı de tez kóterilip keledi. Mysaly, shalǵaı aýdandaǵy talapkerler test synaǵynan 68 ne odan joǵary ball jınasa, qosymsha grant negizinde oqýǵa qabyldanady. Osy jeńildiktiń arqasynda joǵaryda atalǵan úsh aýdannan 94 talapker ýnıversıtetke tústi. Tótenshe jáne ókiletti elshi Erik О́tembaev sol jastarmen jolyǵyp, aǵalyq aqyl-keńesin aıtty.
Osy sapar barysynda qonaqtar aýdan ortalyǵyndaǵy tolyq jóndeýden ótken eki qabatty úıdiń kiltin tabystaý sátiniń kýási boldy. Qonys toıyn toılaǵandar qatarynda О́zbekstan qaharmany, áıgili shopan Serikbaı Saǵatov ta bar. Sondaı-aq, múmkindigi shekteýli úsh otbasy páter ıesi atandy. Olarǵa jeńildik retinde bastapqy qarjyny memleket tóledi. Páter qunynyń qalǵan bóligin úı ıeleri 15 jyldyq merzim ishinde jeńildik boıynsha tóleıdi.
Tamdy aýdanyndaǵy О́temurat aýyly da jóndeý, abattandyrý nátıjesinde túbegeıli ózgerdi. Munda 514 turǵyn úı qaıta jóndeýden ótip, 30 áleýmettik nysanǵa abattandyrý júrgizildi. Qurmetti meımandar aýyldaǵy №8 mektepke at basyn tiregen. Oqý ordasy qazirgi zaman talabyna saı beıimdelgen. Munda kompıýter synyby, sportzal, oqý-zerthana bólmeleri bar. Aýyldaǵy dárigerlik pýnkt te zamanaýı ǵımaratta qyzmet kórsetedi.
Sapar sońyna taman meımandar О́zbekstan Qaharmany 70 jastaǵy Serikbaı Saǵatovtyń otbasyna qonaqqa bardy. Tamdylyq shopandardyń ustazy atanǵan Serikbaı aǵa 45 jyl shopan taıaǵyn qolynan tastaǵan joq. Búginde 7 perzenti men 17 nemeresiniń yqylasyna bólenip, uzaq jyldardaǵy eńbeginiń zeınetin kórip otyr.
«Shalǵaı aýdandarda bolyp, sondaǵy jastarmen kezdestim. Jeńildik arqasynda oqýǵa túsken jastar О́zbekstannyń Memleket basshysyna degen yrzalyǵyn bildirip jatyr. Árbir jastyń janaryndaǵy qýanyshty, júregindegi erekshe kúsh-qaıratty kórdik. Olar bar kúsh-jigerin О́zbekstannyń bolashaǵy úshin jumsaýǵa, ózgelerge úlgi bolyp, memlekettiń órkendeýine súbeli úlesterin qosýǵa daıyn ekenin aıtty. Sapar kezinde mýzyka jáne óner mektebine de baryp, shalǵaıda jasalǵan múmkindikterge yrza boldym.
Synyp bólmeleriniń kóptigi, fortepıanoda jastardyń mýzyka shyǵarmalaryn oryndaýy, О́zbekstan jáne shetel kompozıtorlarynyń týyndylarynan úzindilerdi oıdaǵydaı oryndaýy erekshe sezimge bóledi. О́ıtkeni, Qyzylqum óńiri aqyndarǵa, sazgerlerge baı, adamdary óner súıgish ólke», ‒ dedi Qazaqstannyń О́zbekstandaǵy Tótenshe jáne ókiletti elshi Erik О́tembaev.
Atqarylyp jatqan sharýalarǵa qarap, keleshekte Qyzylqumda ómir qaınaıtynyna senim mol. Bul jerdegi qus ushsa qanaty, adam júrse aıaǵy kúıetin mıdaı shól dala gúldep, jaınaıdy, baý-baqqa aınalady. Soǵan senim mol.
Anar NÁLIBAEVA,
Arnaıy «Egemen Qazaqstan» úshin
О́zbekstan
