Birinshi raýndtyń basynda eki boksshy bir-birin zerttep kórdi. Alaıda Meıirim Nursultanov uzaqqa sozbaı, óz djebterin de, apperkottaryn dittegen jerine jetkize bildi. Meıirimniń shabýyly qarqyndy bolǵany sonsha, brazılııalyq boksshy rıngtiń syrtyna ushyp ketti. Sol kúıi uzaq tura almady. Osylaısha, qazaqstandyq boksshy kezekti jekpe-jegin nokaýtpen aıaqtap otyr.
"Negizi, bul jekpe-jekke qatty daıyndaldym. Biraq kezdesý tez aıaqtaldy. Tez bitkeni de jaqsy. Qarsylasymdy zerttedik. Ǵalamtorda jekpe-jekteri az. Bireýin taýyp zerttedik", - deıdi Meıirim Nursultanov.
Onyń aıtýynsha, kelesi jekpe-jegi 24 qazanda Nıý-Iork qalasynda ótedi. Boksshy oǵan AQSh-ta daıyndalady.
Aıta keteıik, búgingi boks keshiniń basty jekpe-jeginde Qanat Islam (24-0, 19KO) kanadalyq Brendon Kýkke (18-0, 11KO) qarsy shyǵady. Olar birinshi orta salmaqtaǵy WBA Inter-Continental jáne WBO-NABO nusqasynyń chempıondyq ataqtaryn sarapqa salatyn bolady. Boks keshin «Qazsport» telearnasy tikeleı efırde kórsetip jatyr. 20:00-ge «Qazaqstan» ulttyq arnasy da tikeleı efırge shyǵady. Budan bólek, Fite.tv ınternet arnasy, sondaı-aq TVtibi men Flipps arqyly tikeleı reportajdar júrigiziledi.
