Alty saǵatqa sozylǵan alaman jyr dodasynda Jandarbek Bulǵaqov bas júldege tiligen sheteldik avtokólikti tizgindese, Syrym Əýezhan birinshi oryndy ( 1 000 000 teńge) ıeledi. Júldeli ekinshi oryn Əset Dúısebaıǵa (700 000 teńge) tıesili boldy. Al, úshinshi orynǵa qazylar Aınur Tursynbaevany (500 myń teńge) laıyq dep tapty.
Sonymen qatar Arzygúl Qaıymbekqyzy, Muhamedjan Mansurov, Farhat Maratuly, Talǵat Myqılar yntalandyrý syılyǵyna (200 myń teńgeden) ıe boldy. Bulardan bólek osy aıtystyń bas demeýshisi «Jas-Aı» medısınalyq ortalyǵynyń Bas dırektory, medısına ǵylymdarynyń doktory, professor, akademık Jasan Zekeıuly óz atynan taǵaıyndaǵan «Akademık Jasan Zekeıuly atyndaǵy arnaıy júlde» Əset Dúısebaıǵa (500 000 teńge ) buıyrdy. Al qatysqandarǵa 100 000 teńgeden berildi.
Aıtys – sóz barymtasy. Basty sóz de aıtys jaıly bolýy tıis. Baıaǵyda aıtys kórip kelgen kisiden aınalasy aldymen «kim men kim aıytysty?», «kim jeńdi?», «ne dep jeńdi?» dep surap jatýshy edi ǵoı, ol áńgimeni aldaǵy ýaqytta keńinen aıta jatarmyz. Ázirge rýhanı jańǵyrý taqyrybynda ótken aıtys týraly az-kem aqparat osy.
Ularbek NURǴALYMULY,
«Egemen Qazaqstan»
