Jýyrda Qazaqstan zertteý ortalyǵynyń ashylýy barysynda jańa kitap qytaı oqyrmandaryna tanystyryldy. Bul eńbek buǵan deıin qazaq, orys, túrik jáne aǵylshyn tilderinde basylǵan bolatyn. Endi Sıan ýnıversıtetiniń til mamany Lı Sychannyń aýdarmasymen juńǵo jurtyna jol tartty.
Avtor óz eńbeginde Shákárim Qudaıberdiulynyń shyǵarmashylyq bolmysyn tarıhı, azamattyq jáne ǵylymı turǵydan qarastyryp, pýblısıstıkalyq, fılosofııalyq eńbekterine jańasha baǵa beredi. Eýrazııa Jazýshylar odaǵynyń tóraǵasy Iаkýp О́meroǵly atalǵan kitaptan qytaı oqyrmanynyń kóp dúnıe oljalaıtynyn aıtsa, tarıh ǵylymdarynyń doktory Tursynhan Zákenuly aldaǵy ýaqytta Shákárim poezııasyn jolma-jol qytaı tiline aýdarýǵa qol jetkizýdiń mańyzy jóninde aıtty. Al fılosofııa ǵylymdarynyń doktory, akademık Ǵarıfolla Esim Shákárimniń zamanynan erte týǵan, kóregen aqyn ekenin, sol kóregendigi úshin atylyp ketkenin jetkizdi.
Memleket basshysynyń «Rýhanı jańǵyrý» jobasy aıasynda qazaq mádenıetin halyqaralyq deńgeıde tanystyrý týraly tapsyrmasyna sáıkes, dala danasy týraly ǵumyrbaıandyq kitaptyń qytaı oqyrmandaryna jetýi qazaq ádebıeti men mádenıeti úshin úlken beles ekenin aıtqan abzal.
Dýman ANASh,
«Egemen Qazaqstan»
