Jıyn barysynda jazýshynyń túrik tilinde shyqqan "Qaraly kósh" romany men "Júrek nege jylaıdy" atty áńgimeler jınaǵynyń tanystyrylymy boldy. Sondaı-aq kezdesý aıasynda qalamgerdiń ómiri men shyǵarmashylyǵy jáne qoǵamdaǵy róli jaıynda áńgimeler qozǵaldy.
Saltanatty is-sharaǵa belgili jazýshylar men ádebıetshiler, óner adamdary, sonymen qatar jazýshynyń shákirtteri men izbasarlary, sonymen qatar jazýshy-jyrshy Baıanǵalı Álimjanov, jazýshy-dramatýrg Roza Muqanova, belgili túrkolog, fılologııa ǵylymdarynyń doktory Qarjaýbaı Sartqojauly, aqyn Erbol Beıilhan men tanymal jýrnalıst Beken Qaıratuly qatysty.
Jádı Shákenuly - jazýshy, Qazaqstan Jazýshylar odaǵy men Eýrazııa jazýshylar odaǵynyń múshesi, halyqaralyq Shyńǵys han akademııasynyń akademıgi. 1967 jyly 5 mamyrda Qytaıǵa qarasty Altaı aımaǵynda Ertis ózeni jaǵasyndaǵy Shirikshı aýylynda dúnıege kelgen. 1985 jyly Altaı aımaqtyq pedagogıka mektebin, 1991 jyly Shyńjań oqý-aǵartý ınstıtýtyn, tarıh mamandyǵy boıynsha 2001 jyly Abaı atyndaǵy Almaty memlekettik ýnıversıtetiniń aspırantýra bólimin támamdaǵan.
