Elbasynyń «Bolashaqqa baǵdar: rýhanı jańǵyrý» atty maqalasynda kórsetilgen ulttyq jańǵyrý jolyndaǵy maqsattar men mindetterdi júzege asyrý barysynda aýdan jastaryn rýhanı-adamgershilik pen patrıottyq baǵytta tárbıeleýdi, Tóle bı babamyzdyń ómiri men halqyna sińirgen eńbegi týraly jastarǵa keńinen aıtýdy, turǵyndarǵa kóterińki kóńil-kúı syılap, yntymaq-birlikti nyǵaıtýdy maqsat tutqan shara Medeý aýdany ákimi apparatynyń uıymdastyrýymen Abaı atyndaǵy Qazaq ulttyq pedagogıkalyq ýnıversıteti aldyndaǵy alańda ótti.
1978-1985 jyldary Almaty oblystyq komıtettiń birinshi hatshysy bolǵan Keńes Aýhadıev, QR halyq artısi Sábıt Orazbaev, Ǵ.Músirepov atyndaǵy Qazaq memlekettik akademııalyq balalar men jasóspirimder teatrynyń jetekshisi Sábıt Ábdihalyqov arnaıy qatysqan merekelik shara aıasynda «Balalar kitabynyń álemi», «Qala kóshelerimen kórikti», «Balalar áleminiń elshisi», «Jastar kitap oqýdy tańdaıdy», «Tóle bı kóshesiniń tarıhı betteri», «Qol óner sheberleri buıymdarynyń kórmesi» degen ataýmen jumys istegen shatyrlarda kitap kórmeleri, fotokórmeler, sheberlik synyptary, Tóle bı kóshesi tarıhynyń kórmesi ótip, ulttyq jáne halyqtyq sport túrlerinen sporttyq oıyndar uıymdastyryldy.
«Halqymyz aıtyp ketken «О́tkenge burylyp basyńdy ıip, erteńge qarap bilegińdi túr» demekshi, aıryqsha serpindilikpen jyljyp jatqan myna zymyran ýaqytta jańa jaǵdaıdaǵy rýhanı jańǵyrý asa jaýapkershilik pen umtylysty qajet etedi. О́skeleń urpaqty rýhanı azyqtandyrý – memlekettik saıasattyń negizgi baǵdary bolǵandyqtan, bul bastama aldaǵy ýaqytta da óz jalǵasyn tabatyn bolady. Jyl basynan beri 150-den astam shara ótkizilip, 20 myńǵa jýyq adam qamtyldy. Máselen, «Atameken» jobasy aıasynda – 125, «Tárbıe jáne bilim» jobasy boıynsha – 18, «Rýhanı qazyna» jobasy aıasynda 15 joba iske asty. Jasalǵan jumystar qatarynda salynǵan jańa aýlalar, jóndelip jatqan joldar, saıabaqtar, jańadan ashylǵan balabaqshalar, sport alańdary jáne ózge de nysandar bar», – dedi Medeý aýdanynyń ákimi Erjan Jylqybaev.
Merekelik sharaǵa jınalǵan eki myńnan asa aýdan turǵyny, oqýshylar, stýdent jastar men qala qonaqtary Tóle bı kóshesiniń tarıhy jaıynda tyń derekter men úsh ǵasyr burynǵy málimetterge qanyǵyp, aýdandyq shyǵarmashylyq ujymdarynyń merekelik konsertin, Ǵ.Músirepov atyndaǵy Qazaq memlekettik akademııalyq balalar men jasóspirimder teatrynyń «Bazaryń tarqamasyn» atty ataqty qoıandy jermeńkesine arnalǵan mýzykalyq drama qoıylymyn tamashalap, tegin taratylǵan kóje, baýyrsaqtan aýyz tıdi.
Aıta ketsek, Elbasynyń «Bolashaqqa baǵdar: rýhanı jańǵyrý» atty maqalasynda aıtylǵan «Týǵan jer» baǵdarlamasyn júzege asyrý barysynda aýyldy jerlerdiń áleýetin arttyryp, halyq arasynda eldi mekenderdiń tarıhyn jańǵyrtý maqsatynda, buǵan deıin qala ákimdiginiń uıytqy bolýymen shahardaǵy Abaı jáne Dostyq kósheleriniń kúnderi de atalyp ótken bolatyn.
Mıra Baıbek,
«Egemen Qazaqstan»
ALMATY
