2017 jylǵy 5-6 qazan kúnderi «Kommýnıkasııalyq medıa-menedjment» semınary uıymdastyraldy. Oǵan lektor retinde PR-maman, jýrnalıst, «Informburo.kz» aqparattyq-saraptamalyq portalynyń bas redaktory Mıhaıl Dorofeev, jýrnalıst, medıatrener Sergeı Ponomarıov, «Imıdj-Medıa» baspa úıiniń negizin salýshysy jáne jetekshisi, «Press-slýjba» jýrnalynyń bas redaktory (Máskeý q.) Tımýr Aslanov, jýrnalıst, telejúrgizýshi, «Shabyt» QazUóÝ Telearna jáne kınorejıssýra kafedrasynyń dosenti, «Ikerim.kz» CEO aqparattyq portaly jáne «Social 1» aqparat agenttiginiń jetekshisi Aıgúl Mýkeı sekildi mamandar shaqyryldy.
«Daǵdarys jaǵdaıyndaǵy kommýnıkasııany basqarý» atty taqyrypta semınar-trenıng ótkizgen M.Dorofeev kommýnıkasııalardyń túıindi qaǵıdattaryna, daǵdarysqa qarsy kommýnıkasııalardyń strategııasy men ádisteri jaıly sóz qozǵady.
«BAQ-pen qarym-qatynas. Keńes pen tájirıbe» semınar-trengınte S.Ponomarıov qatysýshy tyńdarmandardy medıajahandaný úrdisterimen, medıasalasynyń damýynyń jańa tendensııalarymen tanystyrdy. Sonymen qatar, buqaralyq kommýnıkasııalardyń zamanaýı betalysy, qazaqstandyq BAQ naryǵy, feık jaǵalyqtar, dıdjıtalızasııa, Facebook jáne basqa da taqyryptar boıynsha dáris oqydy.
Tımýr Aslanov óziniń «Áleýmettik jelilerdegi PR jáne SMM» semınar-trenınginde áleýmettik jelilerdegi BAQ jumysynyń durys strategııasyn qalyptastyrý, onda jumys isteý erekshelikteri men jelilerdegi jumys arnalaryn tańdaý, nıýsdjekıng, aqparattyq syltaý qyzmetin uıymdastyrý, blogerler arqyly aqparat taratý men oı-pikir kóshbasshylarymen jumys isteý jaıly tájirıbesimen bólisti.
Aıgúl Múkeı bolsa jınalǵandardy sheshendik sheberlikke úıretip, kópshilik aldynda sóıleý óneriniń qyr-syryn kórsetti.
Eki kúndik «Kommýnıkasııalyq medıa-menedjment» semınarynyń sońynda barlyq qatysýshylarǵa bilimin jetildirilgenin rastaıtyn sertıfıkat tabystaldy.
Aqmola oblysynyń Ishki saıasat basqarmasynyń óńirlik kommýnnıkasııa qyzmetiniń jetekshisi Abaı Bekbaev: «Astana Media Week formatyndaǵy is-shara – eń aldymen, óńirlik BAQ ókilderi men kommýnıkasııa baılanys qyzmetkerlerine óte qajet dep esepteımin. Bul, baılanys ornatýǵa, tájirıbe bólisýge jáne oı-pikirmen almasýǵa aıtarlyqtaı septigin tıgizedi dep bilemin. Ásirese, qazaqsandyq jáne sheteldik BAQ jumys tájirıbesin óz kózimizben kórýge kórnekti múmkindik beredi. Medıa aptalyǵy aıasynda óńirlik BAQ alǵan bilimderin óz jumysynda qoldanady degen senimdemin. Bas redaktorlar klýby uıymdastyrǵan semınar erekshe unady. Tórt blok boıynsha bergen dáris baǵdarlamasy óte paıdaly boldy. О́zime qyzyqty, ári qajetti kóp nárse jınaqtadym».
Bıbıgúl Aqkýjına, Qostanaı oblysy ákimdiginiń Ishki saıasat basqarmasy MM jetekshisi: «Biz Qazaqstan Respýblıkasy Aqparat jáne kommýnıkasııalar mınıstrliginiń uıymdastyrǵan aýqymdy dıalog alańyna alǵash ret qatysyp otyrmyz. Qazaqstannyń túkpir-túkpirinen kelgen áriptesterimizdi kórgenime qýanyshtymyn. Bul úsh kún túrli oqıǵalarǵa mol boldy. Barlyq is-sharalardan qalys qalmaýǵa tyrysyp baqtyq. Kommýnıkasııalyq medıa-menedjmentke arnalǵan semınar unady. Trenıng júrgizgen spıkerler oıdaǵydaı tańdalǵan. Eń bastysy, olardyń búgingi kúnde sol salada qyzmet etip júrgen tájirıbeli maman bolǵany jáne bárimizge BAQ-pen konstrýktıvti ózara áreket etý boıynsha keńesterdi túsinikti tilmen jetkize bilgenderi kóńilden shyqty. Reseılik áriptesimiz Tımýr Aslanovtyń semınar-trenıngi áserli boldy. Jeńil de túsinikti mánerde ótkizdi. Sondaı-aq, Mıhaıl Dorofeevke tájirıbelik tapsyrma ýaqytynda túrli jaǵdaılarda áreket etý algorıtmderin usynǵany úshin alǵys bildiremiz. Aldaǵy ýaqytta da, osy sekildi semınarlar ótkizilse eken degen tilek bildiremiz».
