Úsh kúnge sozylatyn slet jumysynda jastardy tolǵandyratyn saýaldar talqyǵa túsedi, túrli trenıngter men sheberlik synyptary, kezdesýler, kóshe sýbmádenıeti festıvali josparlanǵan.
Qazaqstan jastar kongresi 2002 jyly Elbasy bastamasymen ashyldy. Búginge deıin «Jasyl el» biryńǵaı eńbek jastary uıymy, «Jas Ulan jasóspirimder uıymy, «Stýdentter alıansy» syndy kóptegen uıymdar quryldy. Kongrestiń atqarýshy dırektory Aıdyn Sábıtov: «Bıyl áskerı-patrıottyq baǵytty aıryqsha nazarǵa alyp otyrmyz, - deıdi. – «Jas qarý» patrıottyq uıymy jumysyn bastady. Taǵy bir jańalyq – dúnıejúzilik banktiń grantyn jeńip aldyq. Aýyl jastarynyń bastamalaryn qoldaýdy maqsat etip otyrmyz. Jalpy elimiz boıynsha 106 kongrestik uıym bar».
Respýblıkanyń túkpir-túkpirinen Jaıyq jaǵasyna jınalǵan 300-ge jýyq jas slet jumysyna belsendi qatysyp, tanym kókjıekterin keńeıtpek. Al erteń Darıǵa Nazarbaeva bastaǵan slet qatysýshylary QR Ulttyq gvardııasynyń №5546 áskerı bólimshesine barady. Plenarlyq májilis, túngi alaý janyndaǵy beıresmı kezdesý, oblys ákimi Nurlan Noǵaevpen kezdesý, ashyq dıalog alańy syndy sharalar da josparlanǵan. Slet "Jańa dem» ekologııalyq aksııasymen qorytyndylanady.
Baqytgúl BABASh,
«Egemen Qazaqstan»
ATYRAÝ.
