Foto: kostanaytany.kz
Torǵaıdaǵy Ospan qoja meshitiniń 25 jyldyǵyna kelgen qurmetti qonaqtar jarkóldikterdiń qýanyshyna ortaqtasyp, jyly lebizin bildirdi. Qostanaıdaǵy meshittiń bas ımamy Baqytbek qajy Nurǵabyluly jańa meshittiń ashylýymen quttyqtady. Aıtysker aqyn Muhtar Nııazov arnaýyn aıtty. Aýyldaǵy isker azamattar boı kótergen jańa ımandylyq úıiniń qurmetine as berdi. Astyń sońy elge tanymal aqyndardyń aıtysyna, sondaı-aq Birjan Júzbaı bastap kelgen ónarpazdardyń ən-kúıine ulasty.
«Aýylda ımandylyq úıiniń qajet ekenin ýaqyt kórsetti. Aýyl shaǵyn bolsa da, rýhanı azyq kerek, ol adamnyń az-kóptigine qaramaıdy. Meshittiń ashylýyna bir qýanǵan aýyl adamdary, aıtysty tyńdap taǵy jelpinip qaldy», deıdi aqyn Abylaı Maýdanov.
Baqytbek qajy Nurǵabyluly meshit qurylysynyń basy-qasynda júrgen Baqyt Qabdyrashty alǵys hatpen marapattap, aýyl jastary shapan japty. Bul jastardyń uıymshyldyǵy, aýyldastardyń aýyzbirligi arqasynda iske asqan izgilik boldy.
Názıra Járimbet,
«Egemen Qazaqstan»
Qostanaı
