Latyn álipbıi – ǵylym men tehnıkanyń, ǵalamtor men jańa tehnologııalar tili. Latyn álipbıine kóshý búgingi júrisi jyldam zaman talaby. Kezinde jappaı kompıýterlendirý úrdisin de aǵa býyn – biz, bir qorqynyshpen, jyldam ıgerip kete almaımyz ba degen senimsizdikpen qabyl alǵan bolatynbyz. Al qazir kompıýter tilin paıdalanýshy deńgeıinde bilmeıtin adam joq shyǵar. Sondyqtan latyn álipbıin de tez ıgerip ketemiz dep oılaımyn. Latyn álipbıiniń birneshe nusqalary usynylyp, eń tıimdisi, halyqqa ıgerip ketýge yńǵaılysy qabyldanbaq.
Aldyńǵy 25 áripten turatyn, qazaqtyń tól dybystaryn dıgraftarmen bergen nusqasy halyq tarapynan kóp synǵa ushyrady. Sebebi tórt-aq áripten turatyn «óziń» degen qazaqtyń tól dybystary bar qysqa sózderdi jazý úshin alty nemese odan da kóp árippen jazýǵa týra keler edi. Al kópshiliktiń pikirimen sanasyp jasalǵan, 32 áripten turatyn sońǵy nusqadaǵy latyn álipbıinde barlyq qazaq tiline tán dybystar saqtalyp otyr. Osy nusqa qoldanysqa ense qıyndyq týdyrmaıdy dep oılaımyn.
Baıangúl QOJAHMETOVA,
S.Toraıǵyrov atyndaǵy Pavlodar memlekettik ýnıversıteti Qazaq tili men jýrnalıstıka kafedrasynyń aǵa oqytýshysy
