Shymkentte ótken bul báseke jergilikti jankúıerlerdiń delebesin qozdyryp degenderine jetkizdi. «Ordabasy» ońaı alynatyn qamal emes ekenin esepti alǵashqy bolyp gol salýmen-aq dáleldeı bildi deýge bolady. Oıynnyń 35-inshi mınýtynda Erkebulan Tuńǵyshbaevtyń soqqan doby esep ashty.
Oıynnyń 60-ynshy mınýtynda «Astana» sapyndaǵy Jorje Despotovıch gol soǵyp esepti teńestirdi. Biraq «Astana» ol teńdikti úsh-aq mınýt ustap tura aldy. «Ordabasynyń» oǵlany Abdýllaı Dıakateniń nar táýekelmen tepken doby ekinshi golǵa aınaldy.
