EKSPO týrıstik aýmaǵynyń saltanatty ashylýynda sóz sóılegen Ahmetjan Esimov qazirgi ýaqytta sheteldik memleketter óz ekspozısııalarynda demontajdaý jumysyn aıaqtap jatqanyn atap ótti. Onyń aıtýynsha, jańa jyldan bastap pavılondardy kúrdeli jóndeý jumystary bastalady. S-3, S-4 pavılondarynda «Astana» halyqaralyq qarjy ortalyǵy ornalasady.l C-1 pavılonynda bilim berý ortalyǵy qurylady. Ulttyq kompanııanyń basshysy atap ótkendeı, osy ortalyqtyń negizgi ıdeıasy - erte jastan bastap bolashaq mamandardyń múmkindikteri men áleýetin anyqtaý jáne damytý bolmaq.
«Mundaı ortalyqtar qazirdiń ózinde damyǵan elderde jumys istep jatyr. Erte jastaǵy eń mańyzdy kásipter anyqtalady, bul qadam bolashaqta tabysty bolýy múmkin. Ortalyq - bilim berýdegi jahandyq úrdis, ómirdi qanaǵattandyrýǵa baǵyttalǵan. Bul bizdiń óńirdegi osyndaı alǵashqy ortalyq bolady. Qazirgi ýaqytta onyń tujyrymdamasy Nazarbaev ýnıversıtetimen birlesip ázirlenýde », - dedi ol. Sonymen qatar, C-2 pavılonynda kórme kesheni ornalasady. Ol túrli kórmelerge, halyqaralyq jáne otandyq ekspozısııalarǵa arnalǵan alań bolady.
«О́ńirler men memleketter ózderiniń jetistikterin kórsetip, tájirıbelerimen únemi bólise almaq. Qazir dızaınerlik tapsyrmany ázirleý jumystary júrgizilýde. Bul jumysqa «Atameken» ulttyq kásipkerler palatasy tartylyp otyr», - deıdi ol.
Sonymen qatar korporatıvtik pavılonnyń negizinde IT-startaptardyń halyqaralyq tehnoparki qurylady. Ol baǵyttaǵy jumys QR Aqparat jáne kommýnıkasıalar mınıstrligimen birlesip júrgizilmek. «Kommýnıkasııa ortalyǵy jetekshi BAQ-tardyń lokasııasy bolady. Ol alań EKSPO kórmesi kezinde óte yńǵaıly ınfraqurylymdyq alań retinde ózin kórsete bildi», - deıdi Ahmetjan Esimov.
