HH ǵasyr basynda «Alashym» degen ult zııalylary qoldanǵan, keıin solaqaı saıasattyń qurbanyna aınalǵan latyn grafıkasy jańa dáýirde jańa nusqada qaıta qoldanysqa enetin boldy. Bul Elbasynyń uzaq jyldar júrgizgen sarabdal saıasatynyń aıtýly tusy ekenin qoǵam túgeldeı túsinip, biraýyzdan qoldap otyr. Qazir qala men dalada turatyn halyq túgeldeı saıası turǵyda óte saýatty. Munyń bir aıǵaǵy latyn grafıkasynyń nusqasyn bekitýdegi qyzý, jan-jaqty talqylaýlardyń bolýynan aıqyn kórinedi.
О́tken jyldarmen salystyrar bolsaq, sońǵy kezeńde qoǵamda latyn grafıkasyn qoldaný qajettigi jyly qabyldana bastaǵandyǵyn kórýge bolady. Onyń memlekettik tildi meńgerýde ǵana emes, sonymen qatar sıfrlyq tehnologııany qoldaný arqyly qurylatyn órkendetýde de tıimdi bolatyny anyq.
Latyn grafıkasyn keńinen qoldanysqa engizý ońaı ári jeńil desek, qatty qatelesken bolar edik. О́ıtkeni jańa grafıkany úıretetin tıisti júıe endi qalyptasady. Eń bastysy, bizge Elbasy jańa nusqany bekitip berdi. Bul nusqada 32 árip bar. Qazaqtyń tól dybystary apos-
trof arqyly belgilengen. Jańa nusqa halyq arasynda qoldaý taýyp, eń qıyn asýdy attap óttik dese de bolady. Elbasy tarapynan aldymyzǵa qoıylǵan mindetterdi oryndaı alsaq, onda bizdiń táýelsiz elimiz úshin alynbaıtyn asý, baǵyndyrylmaıtyn beles joq dep aıtýǵa bolady. Qazaqstannyń latyn grafıkasyn qabyldaýy – bul úlken jetistikterdiń kilti. Ol – bizdi tek bıikke jeteleıtin jol. Ol – Qazaqstannyń, qazaq tiliniń, qazaq rýhynyń Máńgilik Elimen birge jasaýynyń basty kepili bolmaq.
Merýert KО́PBAEVA,
M.H.Dýlatı atyndaǵy TarMÝ professory, fılologııa ǵylymdarynyń doktory
