Qaramashy, qadamashy kózińdi!
(Et júregim temir emes tózimdi)
Ushqyn edim – janyp ketsem kúıdirer
Aıa meni, aıa, sáýlem, ózińdi?!
Oılashy óziń, oılashy óziń, aqyldym?!
Únsiz ǵana meni qaıda shaqyrdyń?
Tereń syrly kózderińniń túbine
Birte-birte batyp bara jatyrmyn...
Jaýdyratpa móldir qara kózińdi,
Aıa meni, aıa, sáýlem, ózińdi!
Jan túbinde, uıyqtap jatqan arystan,
Bolarsyń mert, oıatpashy sezimdi!
Oılashy óziń, oılashy óziń, aqyldym!
Únsiz ǵana meni qaıda shaqyrdyń?
Tynysh edi, nege daýyl tilediń?
Nege meni tuńǵıyqqa batyrdyń!..
Jumaǵalı Saın
