Táýelsizdik tusyndaǵy tolaǵaı tabystarymyzda Elbasynyń eńbegi ólsheýsiz. Buǵan syrtta da, ishte de eshkim shúbá keltire almaıdy. Qytaı halqynyń «О́tpeli kezeńde ómir súrýdi Qudaı basqa bermesin» degen taǵylymdy maqaly bar. 90-shy jyldardyń basyndaǵy kúıimiz qandaı edi?! Qazir qandaı kúı keship jatyrmyz?! Eki arada shırek ǵasyr ótti deý sanaǵa syımaıtyndaı kórinedi. Elbasynyń dana basshylyǵymen biz Keńes Odaǵynan keıingi ótpeli kezeńnen aldyrmaı-shaldyrmaı, abyroımen óttik.
Jan-jaqtan Reseı jáne Qytaı sııaqty alyp elder yqpal etýge tyrysqan, kóp ultty, kóp konfessııaly elde bári bolýy múmkin edi. Grýzııada, Qyrǵyzstanda ne bolǵanyn, Ýkraınada ne bolyp jatqanyn bárimiz bilemiz. Al bizdiń elimizde tynyshtyq, túsinistik, turaqtylyq ornady. Áralýan ulttardyń, ulystardyń qarym-qatynasynda yntymaq, birlik qalyptasty. Mundaı úrdister ózdiginen bolǵan joq. Buǵan biz jan-jaqty oılastyrylǵan ishki jáne syrtqy saıasattyń arqasynda qol jetkizdik.
Der kezinde ret-retimen ártúrli reformalar, jańǵyrýlar, el úshin, halyq úshin sheshýshi mańyzy bar sharalar qolǵa alynyp, júzege asyp jatyr. Biz ózimizben ózimiz bolyp, óz múddelerimizben shektelip, basqalarmen baılanyspaı ómir súrip jatqan joqpyz. Álemdik saıasatqa aralasyp, jer betinde bolyp jatqan úrdisterge ózimizshe úles qosyp kelemiz. Búkilálemdik saıasattyń tetigin ustap otyrǵan elderdiń basshylary Qazaqstanmen, onyń Prezıdenti N.Á.Nazarbaevpen sanasatyn, aqyldasatyn boldy. Muny qalaı aıtpasqa?!
Osynyń bárin jetkinshek jastarymyzǵa túsindirýimiz kerek. Osy úrdisti jalǵastyratyn solar. Sebebi Elbasy qalyptastyrǵan dástúrler sapynda úzilis bolmaýy kerek. Jańa kitap osy maqsatqa kómegin tıgizeri sózsiz.
Elbasy jyl saıynǵy Joldaýlarynda, baǵdarlamalyq sózderinde, kezdesýlerinde qadaý-qadaý máselelerdi qozǵap, taıǵa tańba basqandaı etip naqty tapsyrmalar berip, iri mindetter qoıyp jatady. Aıtqanynyń bári oryndy, bári naqty. Bılik tarmaǵyna jastardy da, áıelderdi de jıi-jıi tartyp keledi. О́zine artylǵan senimdi bireý aqtasa, endi bireýiniń shamasy kelmeı jatady. Biz Elbasymen maqtanýymyz kerek, onyń eńbegi, elimizdiń jetistikteri osyndaı súbeli dúnıelerge arqaý bola berýge tıis.
Tilekjan RYSQALIEV,
fılosofııa ǵylymdarynyń doktory, professor
ORAL
