«Google qyzmetin paıdalaný arqyly bizge jeke málimetterińizdi senip tapsyra alasyz», – dep bastaıdy sóziniń basyn kompanııanyń paıdalanýshylar kelisiminiń bólimi. Iаǵnı, tehnologııalyq kompanııa tutynýshylardy ne nársege daıyn bolýy kerektigin birden eskertedi. Degenmen kópshilik jelidegi málimetterdi óshirýge bolatynyn bile bermeıdi. Google «Meniń áreketterim» («Moı deıstvııa») qyzmeti arqyly aqparattardy óshirý múmkindigin qarastyrǵan.
Google tutynýshysynyń izdegen árbir materıalyn, tipti árbir is-áreketin onyń akkaýntymen baılanystyryp qoıady. Máselen, Google-diń formalaryn, anketalaryn toltyrý, sondaı-aq, Gmail poshtasymen jumys isteýiniń nátıjesi arqyly ózi jaıly málimet tarap otyrady.
Mine, osyǵan uqsas aqparattardyń bári «Meniń áreketterim» bóliminde saqtaýly tur. Osy bólimge kirý arqyly saqtaýly turǵan naqty paraqshalardy, ónimderdi, málimetterdi belgilep alyp óshirýge bolady. Sondaı-aq, barlyq málimetterdi, bir kún boıy kirgen nemese belgili bir ýaqyt aralyǵynda paıdalanǵan saıttardy da óshirýge múmkindik bar.
Osylardyń ishindegi eń qaýiptisi – búkil ýaqyttaǵy ónimder málimetin joıý. Bul operasııany oryndamas buryn Google keıingi bolatyn saldary, qıyndyqtary týraly eskertý jiberedi. Degenmen, izdeý jumysyndaǵy barlyq málimetterdi joıý nemese Google qosymshalary men ónimderin paıdalaný akkaýnt jumysyna esh zııanyn tıgizbeıdi.
YouTube-taǵy barlyq áreketti qalaı óshirýge bolady?
YouTube – Google-diń enshiles uıymy. Ol da tutynýshynyń qandaı vıdeolardy jıi kóretinin baqylap otyrady.
Degenmen, Google-men salystyrǵanda YouTube-tan málimetterdi jyldam óshirýge bolady. «Tarıh» («Istorııa») bólimine kirip, «Izdeý tarıhyn óshirý» («Ochıstıt ıstorııý poıska») jáne «Kórý tarıhyn óshirý» («Ochıstıt ıstorııý prosmotra») opsııalaryn tańdaý qajet. Tipti, jekelegen izdeýlerdi nemese kórilgen vıdeolardy óshirýge múmkindik bar. Sondaı-aq, qyzmet kórsetý alańynda málimetterdi saqtaýyna da tyıym salýǵa bolady.
Google tutynýshylar jaıly málimetterdi jınap qana qoımaı, ony jarnama jasaýshylarǵa nemese seriktesterine jiberedi. Mine, osy sebepti paıdalanýshylar az ýaqyt buryn izdegen málimetteri jaıly jarnamalardy jıi kezdestirip jatady. Budan qorqatyndaı esh sebep joq. Sebebi, tutynýshy Google-diń seriktesterine qandaı aqparat bergenin bile alady. Ol úshin Google-daǵy akkaýntyna kirip «Qupııalylyq» («Konfıdensıalnost») bólimin tańdaý qajet. Ol jerde «Jarnamalyq artyqshylyq qyzmeti» («Nastroıka reklamnyh predpochtenıı»), al ary qaraı «Jarnama qyzmeti» («Nastroıka reklamy») bólimderi bar.
Jekeshelendirý fýnksııasyn óshirgennen keıin izdeý júıesi siz týraly aqparatty jarnama taratýshylarǵa jibere almaıdy. Mine, osy jerden bárin toqtatýǵa bolady. Degenmen, bul áreketter oryndalǵannyń ózinde jarnamadan tolyq qutylý múmkin emes.
Google ylǵı da jekeshelendirilgen jarnamalar tutynýshylardyń qyzyǵýshylyǵyna baılanysty jumys isteıtinin eskertip keledi.
Ornalasqan jerińiz týraly aqparatty qalaı óshirýge bolady?
Google-ǵa tıesili Android operasııalyq júıesinde siz júrgen jerler saqtalyp turady.
Aldymen geolokasııalyq qadaǵalaý qyzmetin óshirýge bolady. Qozǵalys tarıhyn tolyǵymen, jeke-jeke nemese jekelegen kúnder men belgili bir ýaqyt aralyǵyn tańdap óshirýge de múmkindik bar.
Daıyndaǵan: Aıan ÁBÝDÁLI, «Egemen Qazaqstan»
