Ákim «Sparta Nomad» komandasyn jeńisimen quttyqtap, olarǵa estelik syılyqtaryn tabystady.
«Bıylǵy jyl «Sparta – Nomad» komandasy úshin tabysty boldy. Alǵash ret qazaqstandyq oıynshylar kóńildi tapqyrlar klýby oıyndarynyń joǵarǵy lıgasynyń chempıondary atanyp, elordamyzǵa oıynnyń eń basty kýbogin alyp keldi. Biz senderdi maqtan tutamyz», dedi Áset Isekeshev.
О́z kezeginde top basshysy Danııar Jumadilov ákimdiktiń qoldaýyna alǵysyn aıtyp, qazaqstandyq komandanyń jeńisti kópten kútkenin atap ótti.
«Otandyq komandalar kóńildi tapqyrlar klýbynyń oıyndaryna 1999 jyldan beri qatysyp keldi. Jeńiske jetý úshin biz kóp jumys istedik, izdendik. Chempıondyqty 17 jyl kúttik. Bizdiń jeńimpaz atanǵanymyz týraly habardy jıylǵan jurt jyly qabyldap, zor qoshemet kórsetti», dedi Danııar Jumadilov.
Esterińizge salaıyq, kóńildi tapqyrlar klýby oıyndarynyń joǵarǵy lıgasynyń sońǵy baıqaýy aǵymdaǵy jyldyń 15 jeltoqsanynda Máskeý qalasyndaǵy Reseı áskeri teatrynda ótken bolatyn. Oıynnyń tele kórsetilimi 30 jeltoqsanda taralady.
