Qazaqstan • 25 Jeltoqsan, 2017

Ulttyq arna usynady

1030 ret
kórsetildi
2 mın
oqý úshin

Búgin «Qazaqstan» Ulttyq telearnasynyń Jańa jylǵa daıyndaǵan baǵdarlamalarynyń tanystyrylymy ótti. Mereke qarsańyndaǵy apta máńgilik mahabbat jaıly ańyz negizinde túsirilgen «Qozy Kórpesh-Baıan Sulý» atty 6 bólimdi kórkem telehıkaıanyń tusaýkeserinen bastalady.

Ulttyq arna usynady

«25-29 jeltoqsan aralyǵynda kúndelikti saǵat 21.45-te Ulttyq arna kórermenderi qazaq mádenıeti men óneriniń uly murasynyń ekranızasııasyn tamashalaı alady. Telehıkaıanyń bas prodıýseri – Baıan Maqsatqyzy. Ssenarıı avtory – Ánnes Baǵdat. Basty rólderdi Gúlzada Turlash, Erjan Muqataev, Baqtııar Qoja, Jaqsybek Qurmanbekov pen Marat Abaı-Dildá syndy akterler somdady. Senbi kúni, 30 jeltoqsanda, saǵat 20.00-de, birneshe aı boıy kórermenderge kásipkerliktiń qyr-syryn ashyp, bıznestiń ońtaıly jolyn kórsetken «Úmitker» realıtı-shoýynyń aqtyq shyǵarylymy ótedi. Sondaı-aq, jańa jyldyq jobalardyń arasynda «Ázil álemi», «Tamasha» ázil teatrynyń 90-shy jyldary túsirilgen eń úzdik toptamalary, elimizdiń tanymal vaınerleri, vıdeoblogerleri men qoǵam qaıratkerleriniń qatysýymen ótetin arnaıy «HA-HA shoý: Jańa Jyl 2018» jobasy kórermenge jol tartady, dedi «Qazaqstan» Ulttyq telearnasynyń Basqarma tóraǵasy Erlan Qarın.

Sonymen qatar spıker mereke kúnderi «Men qazaqpyn» halyqaralyq megajobasynyń gala-konsertiniń qaıtalaýy men merekelik konsertterdi tamashalaı alatynyn jetkizdi.

«31 jeltoqsan saǵat 22.30-da tanymal  shoý-bıznes juldyzdarynyń qatysýymen jańa jyldyq sıqyrǵa toly «Syńǵyrlaǵan sıqyrlar» merekelik shoý-baǵdarlamasy efırge jol tartady.  Atalmysh jobaǵa, Kámshat Joldybaeva, Aıgúl Imanbaeva, Búrkit, Álı Oqapov, Aıqyn Tólepbergenov, Kesh You, Qanat Úmbetov, Álııa Ábiken, Tóreǵalı Tóreáli, Oljas Abaı jáne «Qazaqstan» arnasynyń tanymal júrgizýshileri Janserik Beıseev, Aısulý Ryspanova, Irına Ten, Baıan Baqkeldiqyzy, Nartaı Aralbaıuly qatysady. Eń kishkentaı telekórermenderimiz úshin 31 jeltoqsan saǵat 12.35-te áıgili  «Walt Disney» kınokompanııasynyń  qazaq tilinde dýblıajdalǵan «Rapýnsel» mýltfılmi kórsetiletin bolady», - dedi ol.