О́tken 2017 jyldyń qorytyndysy boıynsha oblysta jańadan 27 aýyl sharýashylyǵy kooperatıvteri qurylǵan, onyń 18-i et baǵytynda, 9-y sút baǵytynda, barlyǵy 4300 jeke aýla qojalyqtaryn biriktirgen. Eger 2016 jylmen qosa eki jyldyń kórsetkishin aıtqanda, búginde oblysta barlyǵy aýyl sharýashylyǵy kooperatıvteriniń sany qyryqqa jetedi, onyń ishinde 25 kooperatıv et baǵytynda, 15 kooperatıv sút baǵytynda jumys istep otyr.
Resmı málimetter boıynsha, sút baǵytyndaǵy kooperatıvter qyzmetiniń nátıjesinde oblysta sút óndirý 0,8 paıyzǵa artqan, sút zaýyttarynyń óndiristik qýatyn júkteýdi 10 paıyzǵa, ıaǵnı 65 paıyzdan 75 paıyzǵa deıin arttyrǵan. Darhan Esetemirulynyń aıtýynsha, et baǵytyndaǵy koopertıvter kórsetkishi bordaqylaý merzimi aıaqtalǵannan keıin belgili bolady.
Oblysta barlyq aýyl sharýashylyǵy kooperatıvteri memlekettik baǵdarlamalardyń qatysýshylary bolyp sanalady. Alaıda kooperatıvterdiń arasynda jeteýiniń aty bar da, zaty joq.
«Bıyl AО́K jumysyn qaıta qaraımyz, olardyń arasynda tek aty bar, jumys istemeıtinderin baǵdarlamadan shyǵaramyz, san emes, tek sapaǵa ǵana jumys isteımiz», dedi oblystyq aýyl sharýashylyǵy basqarmasynyń basshysy Darhan Ábdikárimov.
Názıra JÁRIMBET,
«Egemen Qazaqstan»
