Elbasy óz sózinde Qazaqstan halqynyń jarqyn bolashaǵy úshin densaýlyq saqtaý salasynan bastap, aýyl sharýashylyǵyna deıin, tehnologııalyq damýdan bastap, bilim berý salasyn ilgeriletýge deıin ár salany qamtyp, júzege asyrýdyń naqty joldaryn kórsetti.
Memleket basshysynyń «О́ziniń tarıhyn, tilin, mádenıetin biletin, sondaı-aq zamanyna laıyq shetel tilderin meńgergen, ozyq ári jahandyq kózqarasy bar qazaqstandyq bizdiń qoǵamymyzdyń ıdealyna aınalýǵa tıis» degen sózi eldegi jáne sheteldegi qazaqtar úshin eń mańyzdy maqsat bolýǵa tıis.
Atajurtymyz Qazaq eli, qasıetińnen aınalaıyn, táýelsizdikti jarııalaǵan kúnnen bastap, saıası-ekonomıkalyq, saýda-sattyq, mádenı-gýmanıtarlyq salalarda kóptegen jetistikterge qol jetkizdi. Halyqaralyq arenada ózin jan-jaqty, senimdi jáne jaýapty el retinde tanytyp úlgerdi. Álemdegi kóptegen elden ozyp shyqty. Ekonomıkalyq jaǵdaıyn jaqsartyp, aýylsharýashylyq, týrızm, densaýlyq saqtaý, ındýstrııalandyrý syndy mańyzdy salalar boıynsha qyrýar jumystar atqaryp, damýdyń jańa kezeńine qadam basty.
2017 jyly halyqaralyq EKSPO kórmesin ótkizgen Qazaqstannyń juldyzy jarqyrap, álemdik saıasattaǵy salmaǵy ýaqyt ótken saıyn artyp kele jatqandyǵynyń aıǵaǵy – 2018 jylǵy 1 qańtardan bastap BUU Qaýipsizdik Keńesine tóraǵalyq etýi. «Qazaqstan-2050» damý strategııasyn qabyldaǵan Qazaqstan memleketi álemdegi eń ozyq 30 eldiń qataryna kirýdi aldyna maqsat etip otyr. Bizder, Túrkııadaǵy qandas baýyrlar retinde bul tarıhı bastamany qoldaımyz jáne de júzege asyrylatynyna kámil senemiz. Qazaq eliniń qol jetkizgen tabystary – álemniń túkpir-túkpirinde mekendegen qazaq jurtshylyǵynyń maqtanyshy.
Shaban Serkan DINChTÚRIK,
«Qazaq-túrik bilim jáne zertteý» qaýymdastyǵynyń tóraǵasy, Dúnıejúzilik qazaqtar qaýymdastyǵynyń tóralqa múshesi (Túrkııa)
