– Balabaqshada tájirıbeli mamandarmen qatar jastar da jumys isteıdi. Arnaıy psıholog kabıneti qarastyrylǵan. Balalar qazaq, orys, aǵylshyn tilderin meńgeredi, – deıdi balabaqsha meńgerýshisi Gaýhar Tólegenova.
Atyraý qalasynyń aýmaǵy jyl sanap ulǵaıyp keledi. Bıyldan bastap Balyqshy jáne Jumysker aýyldyq okrýgteri Atyraý qalasynyń quramyna kiredi. Elbasynyń oblys ortalyqtarynan bes shaqyrym qashyqtyqta ornalasqan aýyl jáne aýyldyq okrýgterdi ońtaılandyrýǵa baǵyttalǵan tapsyrmalaryn oryndaý barysynda atalǵan aýyldyq okrýgterde turatyn 30,5 myń adam endi qala turǵyny bolyp esepteledi. Bul sáıkesinshe áleýmettik nysandardyń qataryn kóbeıtý qajettiligin de týdyrary sózsiz. Qalalyq bilim berý bóliminiń málimetinshe, qazir balabaqsha kezeginde 7 800 bala tur. О́tken jyly oblys ortalyǵynda úsh balabaqsha paıdalanýǵa berildi. Memleket-jekemenshik áriptestigi aıasynda 20 balabaqsha qurylysyna jobalaý-smetalyq qujat daıyndalyp jatyr. Demek, mektepke deıingi mekemelerdiń jetispeýshiligi máselesi tolyǵymen sheshiletin kún de alys emes.
Baqytgúl BABASh,
«Egemen Qazaqstan»
ATYRAÝ
