Astanada «Qazaq halqynyń shyǵý tegi» atty kitaptyń tusaýy kesildi

Atalmysh kitapqa qa­zaq­ etnosyna qatysty onyń  bet-­beınesi, qan júıe­si, tis­ qury­lysy, sezimi, teri be­der­leri men qańqa súıekte­rine uzaq jyl júrgizilgen ke­shendi salystyrmaly zert­teýdiń nátıjesi top­tas­tyryl­ǵan. Sonyń nátıje­sin­de Eýrazııanyń apaıtós jazırasynda ómir súrip kele jatqan qazaq halqynyń buzylmaı-syzylmaı, búlin­beı-jarylmaı saqtalǵan qy­ryq ǵasyrlyq tarıhy ba­ry anyqtalyp otyr. 

Mádenı sharany­ uıym­­das­­tyrýshylar tara­pynan­ sóz alǵan L.N.Gýmılev atyn­­­­­daǵy EUÝ rek­tory Er­­lan Sydyqov tórt myń jyldyq ta­rıh qory jınaq­talǵan mun­daı qundy kitapty ja­ryqqa shyǵarý isine ýnıversıtet muryndyq bolyp otyr­ǵanyn aıtyp, jasy toqsanǵa tartsa da ǵylym jolynda jankeshtilik tanytyp, eńbek etip kele jatqan akademıktiń isi keıin­gi jas­tarǵa úlgi degenge toq­tal­dy.

Rasynda antropologııamen aınalysý ekiniń biriniń qo­ly­nan kele bermeıdi. О́ıt­­keni bul ǵylym men kom­­­­mýnıstik ıdeologııa ara­syn­da qaıshylyq kóp boldy. Son­­dyqtan da bolar 1977 jyly Orazaq Smaǵulovtyń mań­daı terin tógip jazǵan «Etnı­cheskaıa genogeografııa ­Kazah­stana» atty eńbegi ki­tap bolyp shyqqannan keıin qaı­ta­dan jınap alynyp, órtel­di. 

Joǵarydaǵydaı qıyn sát­terdi basynan ótkizgen aka­demık óziniń ǵylym jolynda jankeshtilik tanytýyna Qanysh Sátbaevtyń «Orazaq qaraǵym, árbir jan ıesiniń bıologııalyq ata-anasy bolatyn sekildi, ár halyqtyń bıologııalyq ata-ana­sy bar. Sen qazaqtyń bıo­tegin dálel­de» degen bir aýyz sózi qýat ber­genin tebirenispen eske al­dy.

Tusaýkeser rásiminde akademık Seıit Qasqabasov, bıo­log-ǵalym Rahmet­qajy Ber­sinbaı kitaptyń qun­dylyǵy asa joǵary ekenine toqtaldy.

Beken QAIRATULY,

«Egemen Qazaqstan»