Múgedekter máselesi umyt qalmasyn

Bizdiń qoldanystaǵy zańna­ma­larymyzda múgedekterdiń qu­qyn qorǵaý máselesi qaras­ty­rylǵanymen, osy normalar­dy iske asyratyn keshendi baǵ­dar­lamalar jasalmaǵan. My­sa­ly, elimizde barlyǵy 8 myń má­de­nıet nysany bolsa, sonyń 15 paıyzy ǵana múgedekterge qoljetimdi. Eńbek jáne halyqty áleýmettik qorǵaý mınıstrligi tarapynan osy másele jaqynda tekserilip, búginge deıin 2,2 myń nysanǵa pasport berilgen, sonyń 1,2 myńynda ǵana múgedekterge qoljetimdilik qarastyrylǵan. Al mınıstrlik óz tarapynan múgedekterge qoljetimdilik jasaý qajettigin zańdy jol­men talap ete almaıdy. Ondaı norma zańnamada qaras­ty­ryl­maǵan.

Árıne áleýmettik qorǵaý or­gan­­dary múgedekterge arnal­ǵan túrli sharalar, sonyń ishin­de shyǵarmashylyq konkýrs­tar, kórmeler, ekskýrsııalar uı­ym­dastyryp jatady. Biraq mun­daı sharalar júıeli emes, bir­ rettik sıpatta ǵana. Olar qar­jy­nyń tabylýyna baılanysty já­ne qandaı da bir merekelik da­talardyń qarsańynda ǵana jasalady. Onyń ústine múge­dek jandarmen jumys isteýge beıim­ mamandar da tapshy. Son­dyqtan da múgedek jan­dar­dyń mádenıet pen óner salasyndaǵy múm­kin­shi­lik­teri ashyla bermeı­di.

Osyǵan oraı biz Mádenıet jáne sport mınıstri Arystanbek Muhamedıulyna depýtattyq saýal joldap, kelesi sharalardy jasaýdy ótindik:

- mádenıet salasynyń meke­me­lerine jappaı sarap júrgizip, olardyń múgedek jandardyń qoljetimdiligine qanshalyqty beıim ekendigin anyqtaý;

- múgedektermen mádenıet jáne óner salasynda jumys isteı­tin mamandardyń beıim­diligin arttyratyn sharalar jos­paryn jasaý;

- Mádenıet jáne óner salasy boıynsha múgedektermen jumys isteıtin qoǵamdyq uıymdar úshin granttar qarastyrý;

Osy ótinish aıaqsyz qalmas degen úmittemiz.

Janat OMARBEKOVA,

Májilis depýtaty