Jyrymen júrekterdi terbegen

 «Jazaıyn myna sózdi

Mútállapqa,

Taraǵan abyroıy shartarapqa.

Aǵashy at baılaıtyn

Soltústiktiń,

Tapsyrdym seni, qalqam,

jeti arýaq­qa»,

dep qazaqtyń jyr dúldili Ǵafý Qaıyr­­bekov aǵalyq aqadal qoshe­metin bildirgen Mútál­lap Qan­qojın búginde seksenniń seńgirine kóterilip otyr. 1969 jyly «Ja­zýshy» baspasynan «Aq qaıyńdar araly» degen atpen tuńǵysh óleńder jınaǵy jaryq kórgen aqynnyń  «Qara qanat tún aspandy jappasa, Erke qyzdaı juldyz jymyń qaqpasa. Nazdy óleńder sylq-sylq kúlip aqpasa, Aq qaıyńdar shashqa sholpy taqpasa, Men aqyn bop týmas em» degen shynaıy se­zim­­nen týǵan lırıkalyq toptamalaryn oqyrman qaýym jyly qabyldaǵan bo­latyn. О́leń ólkesine órleı júzgen onyń qadamyna Ǵabıt, Sábıt, Safýan sııaq­­ty nar tulǵaly aǵalary sát sapar ti­le­gen. Sodan bergi merzimde 15-ke jýyq ki­­taby men pýblısıstıkalyq oı-tolǵamdaryn jurtshylyqqa usynǵan abyz aqsaqaldyń aqyndyq jáne azamattyq tulǵalaryn bir-birinen bóle-jarý múmkin emes. Ol telejýr­nalıst retinde de qoǵam­nyń kókeıkesti máselelerin tamyrshy­daı tap basyp, ashy shyndyqty búk­pesiz jaza bildi. Oblystyq «Qazaq tili» qoǵamynyń alǵashqy tóraǵalarynyń biri retinde ana tilimizdiń memlekettik til re­tin­de­ ornyǵýyna, keń óris jaıýy­na, táýelsizdik tuǵyrynyń bekı tú­sýine úlken úles qosqan qaırat­ker, ult jan­ashyry retinde de jer­­lesteri árkez qurmet tutady. Aby­laı hannyń aq úıi sekildi kıe­li ordanyń saqtalyp qalýyna, Maǵ­jan esiminiń qaıta oralýyna teń­dessiz úles qos­ty.

Qazaqstan Jazýshylar jáne Jýr­­nalıs­ter odaǵynyń múshesi, elimizdiń eń­bek sińirgen mádenıet qyzmetkeri, Sol­tústik Qazaqstan obly­synyń qurmetti aza­maty Mútállap Qanǵojınniń 80 jasqa to­lý qurmetine arnalǵan ádebı kesh S.Mu­qanov atyndaǵy sazdy-drama teatrynda ótti. Oblys ákiminiń orynbasary Madııar Dúısen­baıuly mereıtoı ıesin aımaq bas­shysy Qumar Aqsaqalov­tyń atynan qut­tyqtap, alǵys hat tabys etti.

Oblystyq ardagerler keńe­siniń tór­aǵa­sy Eskendir Eleýsizov, eń­bek­ ar­da­geri Qudaıbergen Qa­lıev, «Soltústik Qa­zaqstan» ga­ze­­ti­niń bas redaktory Ja­­­ras­baı Sú­leımenov, «Qyzyljar» te­­­le­­­arnasynyń dırektory Erlan Toq­­­shylyq, Petropavl qalasy áki­miniń orynbasary Evgenıı Glotov Múkeń jaıly tebirene sóılep, syı-sııapattar jasady.

«Egemen Qazaqstan» gazetiniń qyz­met­keri Jaqsybaı Samrat Qa­zaq­stan Jazý­shylar odaǵynyń tóraǵasy Nurlan Oraza­lın­niń quttyqtaý hatyn oqyp berip, ıy­ǵyna shapan japty.

О́mir ESQALI,

«Egemen Qazaqstan»

 Soltústik Qazaqstan oblysy